Хаартыска СӨ Успуордун министиэристибэтиттэн
Гиирэ успуордугар Арассыыйа Кубога түмүктэннэ. Манна дойду 38 эрэгийиэниттэн 255 спортсмен кытынна. Саха сириттэн күрэхтэһиигэ өрөспүүбүлүкэ сүрүн тириэньэрэ Василий Дьячковскай салалтатынан Юлиана Семенова, Леонид Афанасьев уонна Егор Рожин кытыннылар.
Күрэхтэһии Ростовтааҕы Дон куоракка буолла. Ордук ситиһиилээхтик Егор Рожин кытынна, кини уһун циклга боруонса мэтээли ылла. Юлиана Семенова өрө анньыыга сэттис миэстэни, оттон Леонид Афанасьев тохсус миэстэни ыллылар диэн СӨ успуордун министиэристибэтин пресс-сулууспата иһитиннэрэр.
«Уопсайынан, спортсменнэр ситиһиилээхтик кытыннылар. Күрэхтэһиигэ үчүгэй бэлэмнээхтэрин көрдөрдүлэр, туруоруллубут соруктары толордулар, наадалаах уопуту ыллылар. Биллэн турар, Саха сириттэн Ростовтааҕы Доҥҥа диэри айан уһун буолан, спортсменнар туруктарыгар дьайда эрээри, хамаанда бу тургутууну ааста уонна үчүгэй көрдөрүүлэннэ. Туспа бэлиэтээн эттэххэ, Егор Рожин Үөһээ Бүлүүгэ олорор уонна дьарыктанар, кини олус дьиссипилиинэлээх спортсмен, эрчиллиигэ эппиэтинэстээхтик сыһыаннаһар. Кини уһун циклга боруонса мэтээлэ бэлэмэ үчүгэйин туоһулуур уонна кэлэр күрэхтэһиилэргэ биһиги эрэлбитин күүһүрдэр. Билигин саҥа сезоҥҥа бэлэмнэниини саҕалыыбыт, хайдах кыттыбыппытын ырытан, көрдөрүүбүтүн тупсарар үлэни ыытыахпыт», — диэн Василий Николаевич бэлиэтээтэ.
Гиирэ успуордун сайыннарыы өрөспүүбүлүкэҕэ физическэй култуураны уонна успуорду сайыннарыы тиһиктээх үлэтин чэрчитинэн, ол иһигэр «Спорт России» судаарыстыбаннай бырагыраама соруктарын толоруу быһыытынан салҕанар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…