Өймөкөөн улууһугар социальнай бырайыактар дьиэ кэргэҥҥэ туһуланнылар

Бу күннэргэ  Өймөкөөн улууһугар социальнай хайысхалаах бырайыактар куонкурустара буолан ааста.  

Төрүт нэһилиэгиттэн 6 бырайыак ааптара куйаар нөҥүө ыытыллыбыт куонкуруска кыттыыны ылла. Улуус бары нэһилиэктэрин олохтоохторун кытта күөн-көрсүү, биллэн турар, эппиэттээҕэ чахчы. Кэрэхсэбиллээҕэ баар, дьүүллүүр сүбэ түмүгү өр күүттэрбэккэ тута биллэрдэ.   Ол курдук, Төрүттэн кыттыбыт ситиһиилээх бырайыактарынан буоллулар:

1. Инбэлиит оҕолор айар куттарын уһугуннарар «Арыллыы» улуустааҕы тэрээһиннэри ыытыы бырайыага — 70 000 солк. Ааптар  Елена Слепцова «Бастыҥ социальнай бырайыак» дипломунан бэлиэтэннэ.
   2.  Г.А. Кривошапкин аатынан Төрүт орто оскуолата (дир. Г.А. Павлуцкай) «Кэскиллээх пиэрмэр — дойду хаһаайына» бырайыагын олоххо киллэриитигэр  «Тыа хаһаайыстыбата» бырагыраама чэрчитинэн 150 000 солк. бэриллиэҕэ.
   3.  П. Я. Тулааһынап аатынан Норуот айымньытын киинэ (сал. Н.В. Босикова) «Аҕа уонна ийэ кулууба» түмсүүнү тэрийэн үлэлэтиитигэр  10000 солк. бэриллиэҕэ.
   Маны таһынан, Варвара Дьяконова  «Своих не бросаем» аһымал аахсыйаларын тэрийии, Айталина Атласова уонна Мария Слепцова  «Мин төрөөбүт дойдум» диэн оҕону Ийэ дойдуга бэриниилээх буолууга иитиигэ туһуламмыт виртуальнай түмэли үлэлэтии бырайыактарынан кытыннылар.
   Тэрээһин туһунан Төрүт орто оскуолатын «Кыраҕы харах» эдэр кэрспэдьиэннэр постарыттан 11-с кылаас үөрэнээччитэ Алеша Павлуцкай баһылыгы солбуйааччы Алексей Кондаковы кытта кэпсэттэ:

Оттон улуустааҕы социальнай куонкуруска кыайбыт уонна  «Бастыҥ социальнай бырайыак» дипломунан бэлиэтэммит  учуутал Елена Слепцованы кытта «Кыраҕы харах» пост эдэр кэрэспэдьиэнэ, 5-с кылаас үөрэнээччитэ Джулия Павлуцкая кэпсэттэ:

Матырыйаалы уһулла 7-с кылаас үөрэнээччитэ Милена Слепцова. Бэчээккэ таҥан бэлэмнээтэ Джулия Павлуцкая.

Төрүт нэһилиэгиттэн кыттыбыт социальнай бырайыактар куонкурустарын кыайыылаахтарыгар ситиһиини баҕарабыт!