Хаартыска: sakhagov.ru
Ил Дархан Айсен Николаев 2036 сылга диэри экспорт сайдыытыгар өрөспүүбүлүкэтээҕи саҥа стратегияны бигэргэттэ.
Өрөспүүбүлүкэ баһылыга тустаах ыйаахха 2026 сыл олунньу 18 күнүгэр илии баттаата. Саха сирин тас сибээскэ уонна норуоттар дьыалаларыгар министиэристибэтэ бу докумуон Арассыыйа бэрэсидьиэнэ Владимир Путин көҕүлээбит «Норуоттар икки ардыларынааҕы кооперация уонна экспорт» национальнай бырайыагы олоххо киллэрэргэ туһуланан ылыллыбытын бэлиэтээтэ.
Стратегияҕа сүрүн болҕомто сырьета суох табаардары уонна өҥөлөрү таска таһаарыыны сайыннарыыга ууруллар. Ыйаахха өссө экспорт географиятын кэҥэтии, таска таһаарар хайысхалаах тэрилтэлэри өйөөһүн, бырамыысыланнай комплексы, агро-бырамыысыланнай, IT уонна айар эйгэни сайыннарыы көрүллэр. Ыйаахха стратегия сүрүн хайысхалара экспортнай логистиканы уонна инфраструктураны тупсарыы, тас экономическай үлэҕэ каадырдары бэлэмнээһин, саха хампаанньаларын бородууксуйаларын тас ырыынактарга тарҕатыы, эрэгийиэннээҕи тэрилтэлэр аан дойдутааҕы конгресстарга, быыстапкаларга, о.д.а. кыттыыларын чэпчэтии буолара быһаарыллар.
Санатан эттэххэ, «Норуоттар икки ардыларынааҕы кооперация уонна экспорт» диэн саҥардыллыбыт национальнай бырайыак 2025 сылга саҕаламмыта. Национальнай бырайыак сыала-соруга – сырьета, энэргиэтикэтэ суох табаардары уонна тыа хаһаайыстыбатын бородууксуйатын экспорка таһаарыы кээмэйин улаатыннарыы, ону тэҥэ тас дойдуларга өйөбүл инфраструктуратын тэрийии.
Арассыыйа Бэрэсидьиэнэ Владимир Путин Арассыыйа Федерациятын экспорты сайыннарыыга Судаарыстыбаннай сэбиэтин мунньаҕар экспортердары өйөөһүн уонна тас дойдулар ырыынактарыгар дойду бородууксуйатын хааччыйыыны элбэтии биисинэс, федеральнай уонна эрэгийиэннээҕи былаастар уопсай сыаллара буоларын тоһоҕолоото.
Сиһилии аах: https://www.sakha.gov.ru/news/26825
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…