sakha.gov.ru
Өлөөн сэлиэнньэтигэр СӨ Бырабыыталыстыбатын отчуотугар авиатранспорт салаатын сайдыытын боппуруостара сүрүн миэстэни ыллылар. Оробуочай бөлөҕү СӨ Нэһилиэнньэ дьарыктаах буолуутугар судаарыстыбаннай кэмитиэтин бэрэссэдээтэлэ Светлана Горюшинская салайда.
Олохтоохторго Өлөөн аэропордун саҥардыы Салгын тырааныспарын инфраструктуратын сайыннарыы пуондун хайысхатынан 2028 сылга диэри көрүллэрин иһитиннэрдилэр. Бүттүүн өрөспүүбүлүкэҕэ 16 аэропорду саҥардыыта былааннанар — Ленскэйгэ, Уус Куйгаҕа, Муомаҕа, Хаандыгаҕа, Белай Гораҕа, Орто Халымаҕа, Маҕаҥҥа, Черскэйгэ, Сааскылаахха, Саккырыырга, Чокурдаахха, Баатаҕайга, Тиксиигэ, Бүлүүгэ уонна Өлөөҥҥө, ону тэҥэ Дьокуускайга.
Өлөөн оройуонун олохтоохторугар авиарейстэри субсидиялааһын биир саамай сытыы боппуруоһунан хаалар. Бырабыыталыстыбаҕа бу хайысхаҕа үлэ салҕанарын бэлиэтээтилэр. Тырааныспар министиэристибэтигэр нэһилиэнньэлээх пууну «Полярные авиалинии» авиахампааньа хааччыйыытын кыаҕын көрөргө сорудах бэрилиннэ. Тырааныспар боппуруостарыттан ураты, олохтоохтор уһуйаан уонна оскуола хапытаалынай өрөмүөннэрин, босхо эмтэринэн хааччыйыыны, ону тэҥэ логистическай киининэн тутуу матырыйаалларын тиэрдии мэхэньииһимин тэрийиини туруорустулар.
Светлана Горюшинская оройуон ыччатын ситиһиилэрин эмиэ бэлиэтээтэ. Бэһис «Муус Устар» бэстибээл түмүгүнэн Өлөөн оройуона Арктика оройуоннарын иһигэр ыччат бэлиитикэтигэр бастыҥынан ааттаммыта.
Бырабыыталыстыба отчуота кулун тутар саҥатыгар Дьокуускайга түмүктэниэҕэ. Түмүгэ «Саха» НКИХ быһа эпииригэр тахсыаҕа.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…