Өлүөнэ эбэ Иркутскай уобаласка кэлэр нэдиэлэҕэ арыллыаҕа

Иркутскай уобаласка Өлүөнэ эбэ арыллыытын, быһа барыллаан, аныгыс нэдиэлэҕэ, оттон Саха сиригэр ыам ыйын саҥатыгар күүтүллэр.  

Бу туһунан Арассыыйатааҕы ЫБММ Иркутскай уобалаһын управлениетын пресс-сулууспата иһитиннэрдэ.

«Өлүөнэ уонна Киренга өрүстэр арыллыылара кэлэр нэдиэлэҕэ күүтүллэр», – диэн эрэгийиэннээҕи ЫБММ сулууспатыгар иһитиннэрдилэр. Оттон Саха сиринээҕи УГМС дааннайынан, Өлүөхүмэ, Хаҥалас уонна Нам улуустарыгар, ону таһынан киин куорат уонна куорат таһынааҕы өрүстэр ыам ыйын 10-20 күннэригэр арыллыахтара.

Санаттахха, былырыын Өлүөнэ өрүс мууһун хамсааһына ыам ыйын 15 күнүгэр саҕаламмыта.