Хаартыска Өлүөнэ тардыытынааҕы уу салалтатыттан
2001 сыл от ыйын 30 күнүгэр Уу ресурсаларын федеральнай ааҕыныстыбатын Өлүөнэ тардыытынааҕы уу салалтата диэн Саха сиригэр уонна Магадаан уобалаһыгар боломуочуйалаах территориятааҕы уорган тэриллибитэ. Бу күннэргэ Өлүөнэ тардыытынааҕы уу салалтата 25 сыллаах үбүлүөйүн бэлиэтиир.
«Кэлэктиипкэ салгыы ситиһиилэри, эрэллээх инженернэй быһаарыылары уонна уу хаһаайыстыбатын комплекса туруктаахтык сайдарын баҕарабын, оттон бэтэрээннэргэ уонна олохторун уу хаһаайыстыбатыгар анаабыт дьоҥҥо – кытаанах доруобуйаны уонна идэлэригэр ситиһиилэри», — диэн Уу ресурсаларын федеральнай ааҕыныстыбатын салайааччыта Дмитрий Кириллов Өлүөнэ тардыытынааҕы уу салалтатын кэлэктиибин эҕэрдэлээтэ.
Өлүөнэ тардыытынааҕы уу салалтата Уу ресурсаларын федеральнай ааҕыныстыбатыгар киирэр биир дьоҕус кэллэктииптээх тэрилтэлэриттэн биирдэстэрэ. Билигин кэлэктиипкэ 31 киһи үлэлиир, олор истэригэр уу хаһаайыстыбатын туйгуннара элбэхтэр, Уу ресурсаларын федеральнай ааҕыныстыбатын уонна Арассыыйа Айылҕа ресурсаларын министиэристибэтин наҕараадаларынан бэлиэтэммит үтүөлээх үлэһиттэр уонна бэтэрээннэр бааллар. Өлүөнэ тардыытынааҕы уу салалтатын бастакы салайааччыта Валерий Агеев этэ, кинини бу дуоһунаска Иннокентий Андросов солбуйбута, билигин тэрилтэни Петр Аргунов салайар.
«Биһиги үлэбитигэр саамай суолталааҕа – көлүөнэ утумнааһына буолар. Хас биирдии салайааччы кини кэнниттэн хаалар салайааччыга бэйэтин билиитин-көрүүтүн эрэ буолбакка, идэҕэ бэриниилээх буолууну уонна эппиэтинэстээх сыһыаны хаалларар. Мин кэллэктииппитинэн киэн туттабын: манна уу хаһаайыстыбатыгар ис сүрэхтэриттэн бэриниилээх уонна уопсай дьыала туһугар илиилэрин араарбакка үлэлииргэ бэлэм дьон үлэлииллэр», — диэн Өлүөнэ тардыытынааҕы уу салалтата салайааччыта Петр Аргунов тоһоҕолоон бэлиэтээтэ.
Управление үйэ чиэппэрдээх бэлиэ сылыгар анаан кинигэ бэлэмнэнэн таҕыста.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…