Хаартыска: SakhaGov
Муус устар 27 күнүгэр, Өрөспүүбүлүкэ күнүгэр байыаннай дьайыы кыттыылаахтарыгар Саха сириттэн таһаҕастаах фура барыаҕа.
Чуолаан икки тиэхиньикэ, гуманитарнай көмө уонна уопсайа биир туонна кэриҥэ ыйааһыннаах аадырыстаммыт баһыылкалар бэлэмнэниэхтэрэ.
Бу туһунан Гражданскай оборуона уонна нэһилиэнньэ олоҕор-дьаһаҕар куттал суох буолуутун хааччыйыы дьыалаларыгар миниистир Дмитрий Лепчиков брифиҥҥэ иһитиннэрдэ.
«Билигин байыаннай подразделениеларга уонна байыаннай дьайыы кыттыылаахтарыгар 123 “Сокол” ЯКТ снегоболотоход, ону сэргэ 15 “Тимир Ат” элетроматасыыкыллар бэрилиннилэр. Өссө 75 итинник матасыыкыл бэриллиэхтээх. 250 устуука “Хотой-15” ФПВ-дроннар тириэрдилиннилэр.
Дмитрий Лепчиков тэрилтэлэр уонна олохтоохтор кыттыылаах гуманитарнай көмө тиһигин быспакка тириэрдиллэрин бэлиэтээн эттэ.
“2026 сыл саҕаланыаҕыттан гуманитарнай таһаҕастаах 27 рейс оҥоһулунна, 67 тырааныспар тириэрдилиннэ. 149 туоннаттан элбэх гуманитарнай көмө уонна аадырыстаммыт баһыылкалар тириэрдилиннилэр”, — диэтэ кини.
Байыаннай дьайыы кыттыылаахтарын сэбинэн-сэбиргэлинэн эбии хааччыйыы былаан быһыытынан оҥоһулла турар.
СӨ Ил Дарханын уонна бырабыыталыстыбатын пресс-сулууспата
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…