Өрөспүүбүлүкэҕэ коронавируска, ОРВИ-га сутуллубут киһи ахсаана элбээн иһэр

Бүтэһик нэдиэлэлэргэ Саха сиригэр ОРВИ-нан уонна коронавируһунан ыалдьыбыт киһи ахсаана элбээн иһэрэ бэлиэтэнэр. Коронавирус саҥа көрүҥүгэр сутуллуу тэтимэ 32,1% үрдээбит. Бу туһунан Дьокуускай куорат уокуруктааҕы дьаһалтатыгар эрэгийиэннээҕи Роспотребнадзор иһитиннэрбит.

«Суһал мониторинг дааннайдарынан, Саха сиригэр 2023 сыл 37-с нэдиэлэтиттэн ОРВИ-га уонна коронавирус саҥа көрүҥэр сутуллуу элбээн иһэрэ бэлиэтэнэр», — диэн суруйаллар.

Алтынньы саҕаланыыта 8058 киһи ОРВИ-лаабыт. Бу көрдөрүү эпидемиологическай таһымтан 23,6% тахсыбыт. Итиэннэ балаҕан ыйын 25 күнүттэн алтынньы 1 күнүгэр диэри өрөспүүбүлүкэҕэ 206 киһи коронавирустаабыт.