Галина Данчикова: «Парламентаризм института аһаҕас былаас тиһигэр бигэтик киирдэ!»

Госдуума дьокутаата, Бүдьүөккэ уонна түһээн кэмитиэтин чилиэнэ Галина Данчикова Арассыыйа парламентаризмын күнүнэн эҕэрдэлиир.

«Муус устар 27 күнүгэр биһиги дойдубутугар Арассыыйа парламентаризмын күнэ бэлиэтэнэр! Бу бырааһынньык 2012 сыллаахха дойду Бэрэсидьиэнэ илии баттааһыннаах федеральнай сокуонунан олохтоммута.

Бүгүн парламентаризм института аһаҕас былаас тиһигэр бигэтик киирдэ! Сокуону оҥорооччулар уларыйбат соруктара – быыбардааччылар интэриэстэрин көмүскээһин, дойду экэниэмикэтин уонна дьон олоҕун хаачыстыбатын хааччыйар социальнай суолталаах сокуоннары ылыныы.

Тас дойдулартан ыҥырыылар уонна сааныылаар баалларын үрдүнэн, билигин биһигини биир түмэр – көдьүүстээх сокуоннары оҥоруу үлэтэ. Сайдыы национальнай сыалын ситиһэргэ туһуламмыт соруктары сокуонунан хааччыйыыга, судаарыстыбабыт куттала суох буолуутун боппуруостарыгар биһиги биир хайысханы тутуһуохтаахпыт.

Күндү доҕоттор! Парламентарийдарга кытаанах доруобуйаны, сокуону оҥорор үлэҕэ ситиһиилэри, быыбардааччылар тустарыгар көдьүүстээхтик үлэлииллэригэр баҕарабын», – диэн эттэ Галина Данчикова.