«Георгиевскай лиэнтэ» аахсыйаҕа кыттыстылар

Улуу Кыайыы 81 сылынан Лөгөйдөөҕү  лиссиэй-интэринэээт сүбэһит учуутала, оҕо хамсааһынын тэрийээччи Татьяна Петухова «Георгиевскай лиэнтэ» аахсыйаҕа үөрэнээччилэри кытыннарда.

Ол курдук, үлэ бэтэрээнэ, СӨ тыатын хаһаайыстыбатын туйгуна, оҕо сааһыттан холхуос, сопхуос ыарахан үлэтин билбит, бастакы группалаах инбэлиит Иннокентий Бурнашев тэлгэһэтигэр кыһыл берет бэргэһэлээх, көстүүмнээх оҕолор соһуччу кутулла түстүлэр. Хаһаайыны соһутуох иһин, кэккэлэһэ түһээт сэрии сылын бэйиэттэрин хоһооннорунан нууччалыы хоһооннору ааҕан, түмүгэр «Кыайыы күнэ» ырыаны хорунан ыллаан ньиргиттилэр. Кылаас салайааччыта Анастасия Колесова үөрэнээччилэрин билиһиннэрэн, Кыайыы күнүнэн эҕэрдэтин кэннэ аны дьиэлээх бэтэрээннэргэ Георгиевскай лиэнтэни түөстэригэр анньан долгуттулар.
Манан эрэ бүппэтилэр. Дьонуҥ туттар тэриллээх кэлбиттэр. «Тугу көмөлөһөбүт?» — диэн ыйыталаһан тэлгэһэҕэ ыраастаммакка сытар ыарахан үлэни хомуйан, ыраастаан киирэн барбыттар. Сүүрбэнэн оҕо ис сүрэхтэриттэн үлэлээтэ.

Түмүккэ Иннокентий харах уулаах махталын биллэрдэ, Михаил Пухов дириэктэрдээх лиссиэй,  Татьяна Петухова кырдьаҕаска, кыаммакка болҕомтолоох сыһыанынан «Тимур хамаандата» бөһүөлэккэ өрүү үөрдэрин эттэ. Оҕолорго үөрэхтээх, үтүө дьон буола улааталларыгар баҕарда.

Ульяна БУРНАШЕВА, Уус Алдан улууһа, уопсастыбаннай кэрэспэдьиэн