Кириибинэн уонна ОРВИ-нан ыалдьааччылар элбээбиттэрэ бэлиэтэннэ

Саха сиригэр кириибинэн уонна ОРВИ-нан ыалдьааччылар элбээбиттэрэ бэлиэтэннэ.

Иккитигэр диэри саастаахтарга  —  39,2%, 3-6 саастаахтарга  — 46,1%, 7-14 саастаахтарга — 2,2 төгүл, 15 сааһыттан үөһээлэргэ  3,2 төгүл элбээтэ. СӨ Роспотребнадзор управлениета иһитиннэрбитинэн, билигин нэһилиэнньэ кирииби утары “Совигрипп” уонна “Ультрикс квадри” быһыылары көхтөөхтүк ылар. Бу туһалаах быһыылар ыарыыттан  уонна кутталлаах дьайыылартан харыстанарга көмөлөһөллөр.

Эрэгийиэҥҥэ федеральнай бүддьүөт уонна атын да үп суотугар кирииби утары быһыыны 451345 киһи,  өрөспүүбүлүкэ нэһилиэнньэтин 46,6% ылла. Ол иһигэр, 142974 оҕо (оҕолор 54,1%), 308371 улахан киһи (43,7%).