Хаартыска: Ксения Васильева тиксэриитэ.
Горнай улууһун түөлбэлэрин бэрэстэбиитэллэрэ ТОС Арассыыйатааҕы ассамблеятын 10 сыллаах үбүлүөйүгэр кыттыыны ылан кэллилэр.
Манна Уһук Илин эрэгийиэнин түөлбэриттэн 400 кэриҥэ көхтөөх кыттааччы түмүстэ.
Горнай улууһун уопсастыбанньыктара бу тэрээһин чэрчитинэн муниципальнай юристар пуорумнарыгар, түөлбэлэр стратегическай сиэссийэлэригэр, РФ Уопсастыбаннай палаататын территориялары сайыннарыы, дьон олорор сирин тупсаран оҥоруу туһунан мунньахха кыттыыны ыллылар.
Судаарыстыбаннай Дуума дьокутааттара “Бастың түөлбэ” күрэһин кыайыылаахтарын наҕараадалаатылар. Дойду бастыҥ үлэлээх ТОС-тарын кыайыылаахтарын ортолоругар Горнай улууһун Одуну нэһилиэгин “Айтал” түөлбэ салайааччыта Жоржетта Текеянова аата дорҕоонноохтук ааттанна. Кини “Бастың салайааччы» буолла.
Горнай улууһун Бэрдьигэстээх нэһилиэгин “Үрдэл” түөлбэ салайааччыта Светлана Лю-Фа “Чөл олох уонна успуорт” хайысхаҕа бастыҥынан ааттанна.
Саха сирин түөлбэлэрин түмсүүтүн салайааччыта Ксения Васильева Бүтүн Арассыыйатааҕы түөлбэлэр ассоциацияларын салайааччытын Борис Кидяевы кытта бииргэ үлэлээһиҥҥэ сөбүлэҥ түһэристэ.
Ити курдук Горнай улууһун түөлбэлэрэ Москваҕа тиийэн, сотору-сотору бастыҥнар ахсааннарыгар киирсэрэ, үлэлэрэ бэлиэтэнэрэ үөрдэр.
Маннык суолталаах наҕараада тиһигин быспакка ыытыллар сыралаах үлэ түмүгүн көрдөрөр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…