Сайаана Львова хаартыскаҕа түһэриитэ
Бүгүн Гражданскай пуорум иккис күнэ. Дьокуускай куоракка пуорум чэрчитинэн араас тэрээһиннэр ыытыллаллар. Быйылгы пуорум «Гражданскай уопсастыба: Кыайыы туһугар сомоҕолоһуу» диэн девиһинэн ыытыллар уонна Улуу Кыайыы 80 сылыгар ананар.
Онон пуорум биир сүрүн сиэксийэтинэн 2025 сыл кулун тутар 20 күнүнээҕи 33 №-дээх саҥа «Биир кэлим уопсастыбаннай былаас систиэмэтигэр олохтоох бэйэни салайыныыны тэрийии уопсай тосхоллорун туһунан» федеральнай сокуону олоххо киллэриигэ аналлаах кэпсэтии буолла. Элбэх киһи кэлэн кытынна, ону таһынан 38 сиртэн видео-сибээһинэн холбоннулар.
Бу тэрээһин Саха Өрөспүүбүлүкэтигэр олохтоох бэйэни салайыныы сайдыытыгар суолталаах хардыыны оҥордо.
Сиэксийэ үлэтэ олохтоох бэйэни салайыныыны тэрийиигэ сыһыаннаах саҥа сокуон нуормаларын дириҥник ырытыыга, ону таһынан олоххо киллэрии чопчу хайысхатын оҥорууга туһуланар.
Ырытыыга олохтоох бэйэни салайыныы эйгэтин сүрүн экспертэрэ уонна исписэлиистэрэ кыттыннылар. Тэрээһини СӨ Уопсастыбаннай балаататын территориальнай сайдыы уонна олохтоох салайыныы хамыыһыйатын бэрэссэдээтэлэ Анатолий Кистенев аста, олохтоох былаас систиэмэтин реформалааһыҥҥа саҥа сокуоннар аакталарын суолталарын тоһоҕолоон эттэ.
Салгыы Ил Түмэн олохтоох бэйэни салайыныыга сис кэмитиэтин бэрэссэдээтэлэ Владимир Прокопьев, РФ үтүөлээх юриһа, ХИФУ бэрэпиэссэрэ, Үрдүкү Ытык Сүбэ солбуйар бэрэссэдээтэлэ Макар Яковлев, СӨ Олохтоох бэйэни салайыныы боппуруостарыгар департамент салайааччыта Иван Попов, СӨ Муниципальнай тэриллиилэрин сэбиэтин толорооччу дириэктэрэ Владимир Птицын, Уопсастыбаннай балаата тыа сирин уонна агробырамыысыланнай комплекс сайдыытын, Арктика уонна аҕыйах ахсааннаах төрүт норуоттар хамыыһыйаларын бэрэссэдээтэлэ Сергей Сюльскай уонна 2002-2013 сс. Абый улууһун баһылыга Рина Винокурова сүрүн дакылааты оҥордулар.
Кинилэр саҥа сокуон туһунан ырытан киэҥник кэпсээтилэр, олоххо ситиһиилээхтик киллэрэргэ былаас араас таһымын уонна уопсастыба икки ардыларыгар бииргэ үлэлээһин суолтатын тоһоҕолоотулар.
Манна тыа сирин уонна агробырамыысыланнай комплексы сайыннарыы, каадыры бэлэмнээһин, олохсутуу боппуруостарын эмиэ таарыйдылар.
Гражданскай пуорум тэрээһиннэрэ уопсастыбаны сомоҕолооһуҥҥа уонна олохтоох бэйэни салайыныыга саҥа сокуону олоххо киллэриигэ сүрүн оруолу ылаллара саарбаҕа суох. Инники күөҥҥэ турар боппуруостары ырытыы уонна көдьүүстээх быһаарыылары ылыныы өрөспүүбүлүкэҕэ олохтоох былаас систиэмэтин аһаҕас оҥорорго көмөлөһүөҕэ.
Никита Кудряшов салайааччылаах «Полярные волки 2017» хамаанда Уһук Илин уокуругар оҕолорго хоккейга лигатын «А» бөлөҕөр…
Бүгүн, алтынньы 28 күнүгэр, Арассыыйа үрдүнэн саамай сырдык уонна истиҥ бырааһынньыктарбытыттан биирдэстэрэ — күлүмнэс мичээрдээх,…
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…