Хабаровскайга  «Анимур» анимация бэстибээлигэр кыттарга ыҥыраллар

Алтынньы 1–4 күннэригэр Хабаровскай куоракка «Анимур» норуоттар икки ардыларынааҕы анимация киинэтин V бэстибээлэ ыытыллыаҕа. Быйылгы үбүлүөйдээх тэрээһин дьыалабыай бырагырааматыгар бастакытын ASEAN–Russia Animation Market диэн — Арассыыйа уонна АСЕАН 11 дойдутун икки ардыларыгар копродукцияны уонна дистрибуциянысайыннарарга туһуламмыт идэтийбит пуорум үлэлиэҕэ.

Пуорумҥа анимация устуудьуйалара, продюсердар, дистрибьютордар, үөрэх тэрилтэлэрэ, өйүүр институттар, телеханааллар уонна сыыппара платформалара, оҕоҕо уонна дьиэ кэргэҥҥэ аналлаах контент эспиэрдэрэ, инвестордар кытталларыгар ыҥырыллаллар. ASEAN–Russia Animation Market тэрээһиҥҥэ Бруней, Вьетнам, Илин Тимор, Индонезия, Камбоджа, Лаос, Малайзия, Мьянма, Сингапур, Таиланд, Филиппины уонна Арассыыйа бэрэстэбиитэллэрэ кыттыахтара диэн күүтүллэр.

Дьыалабыай бырагыраама чэрчитинэн кыттыылаахтары маннык тэрээһиннэр күүтэллэр:

• Былаас уорганнарын, Арассыыйатааҕы анимация киинэтин ассоциациятын уонна сайдыы институттарын кыттыылаах «төгүрүк остуол»;
• Арассыыйа уонна АСЕАН дойдуларын медиа-индустрияларын сүрэхтэниитэ;
• копродукцияҕа, дистрибуцияҕа, интеллектуалнай бас билиигэ (IP), оҕо контеныгар, оҥоһуу өйгө (AI) уонна үөрэхтээһиҥҥэ аналлаах тематическай сиэссийэлэр;
• АСЕАН дойдуларын анимацияларын анал көрдөрүүлэрэ;
• Арассыыйа уонна АСЕАН дойдуларын анимациятын устуоруйатын быыстапката;
• Уопут атастаһарга уонна билсэргэ-көрсөргө аналлаах икки тыллаах идэтийбит платформаны үлэлэтии.

Маны таһынан B2B ньыманан көрсүһүүлэр, официальнайа суох приемнар уонна култуурунай бырагыраама былаанналлар.

«ASEAN–Russia Animation Market — бу идэтийбит былаһаакка. Быйыл биһиэхэ 11 дойдуттан кыттыылаахтар кэлиэхтэрэ, кинилэр устуоруйаҕа бастакытын бүтүн эрэгийиэн анимациятын уонна медиатын эйгэтигэр бииргэ үлэлээһин кэскилин дьүүллэһиэхтэрэ уонна норуоттар икки ардыларынааҕы көҕүлээһиннэргэ  олук ууруохтара. Дьыалабыай бырагыраама чэрчитинэн тематическай сиэксийэлэр, бырайыактары көмүскээһин (питчинг), АСЕАН дойдуларын анимациятын контенын көрдөрүү тэриллиэҕэ. Биһиги ASEAN–Russia Animation Market анимация индустриятыгар идэтийбит кэпсэтии уонна норуоттар икки ардыларынааҕы бииргэ үлэлээһини сайыннарыы тардыылаах киинэ буолуоҕа диэн эрэнэбит», — диэн Арассыыйатааҕы Анимация киинэтин ассоциациятын толоруулаах дириэктэрэ Ирина Мастусова быһаарар.

Пуорум АСЕАН дойдуларын Секретариатын, Арассыыйа Федерациятын Экэниэмикэҕэ сайдыытын министиэристибэтин уонна Арассыыйатааҕы Анимация киинэтин ассоциациятын өйөбүлүнэн ыытыллар. Бу тэрээһин «ASEAN–Russia Animation Connect» бырайыак сүрүн офлайн-түбэлтэтэ буолар. Хабаровскайга тэрээһин партнёр быһыытынан анимация киинэтин V Норуоттар икки ардыларынааҕы «Анимур» фестиваля кыттар. Кини форуму идэтийбит былаһаакканан, көрөөччүлэринэн хааччыйыаҕа уонна Азия-Чуумпу далай эрэгийиэнигэр анимация биир сүрүн көрүүтүн ыытыыга элбэх сыллаах уопутун үллэстиэҕэ.

Санатан эттэххэ, «Анимур» бэстибээл Хабаровскайга 2022 сыллаахтан ыытыллар. Сыл аайы тэрээһин 7500-тэн тахса көрөөччүнү түмэр уонна уонунан дойдулартан ааптардары бииргэ холбуур. 2026 сыллааҕы күрэхтэһии бырагырааматыгар 111 дойдуттан, ол иһигэр Кытайтан, Индияттан, Бразилияттан, Ирантан, Францияттан, Кореяттан уонна Турцияттан үлэлэр киирдилэр. Бэтстибээл толору бырагыраамата уонна киинэни көрдөрүү араспысаанньата эбии биллэриллиэҕэ.

Кыттыылаахтары бэлиэтээһин 2026 сыл атырдьах ыйын 20 күнүгэр диэри аһаҕас: https://animur.ru/expo