Хаартыска СӨ Успуордун министиэристибэтиттэн
Харбин куоракка Шанхайдааҕы бииргэ үлэлэһии түмсүүтэ (ШОС) тэрийэр аан дойдутааҕы оонньуулар чэрчилэринэн боксаҕа күрэхтэһии балаҕан ыйын 10-17 күннэригэр ыытыллыа диэн СӨ Успуордун министиэристибэтин пресс-сулууспата иһитиннэрэр.
Саха сирин боксаҕа оскуолатын аатыттан бу норуоттар икки ардыларынааҕы күрэхтэһиигэ сэттэ спортсмен кыттыа: Айхал Никифоров, Виктор Бродников, Александр Горохов, Артур Севергин, Эрчимэн Слепцов, Александр Охлопков уонна Эрсан Попов.
Спортсменнары бэлэмнээһини тириэньэрдэр – Р.М. Дмитриев аатынан аатынан Олимпийскай солбук училищетын старшай тириэньэрэ Андрей Слепцов итиэннэ А.И. Пахомов аатынан боксаҕа олимпийскай эрэллэр успуорт оскуолатын тириэньэрэ Иван Колесов ыыталлар.
Эдэр боксердарга буолаары турар күрэхтэһиилэр норуоттар икки ардыларынааҕы таһымҥа тахсар уопуту ылалларыгар уонна атын бокса оскуолаларын бэрэстэбиитэллэрин кытта көрсөллөрүгэр кыаҕы биэриэ.
«Былырыыҥҥыттан саҕалаан ШОС оонньууларын чэрчитинэн араас дойдулар спортсменнара кыттыылаах бокс күрэхтэһиилэрэ ыытыллаллар. Биһиги уолаттарбытыгар бу норуоттар икки ардыларынааҕы уопуту ылалларыгарр, улахан күрэхтэһиилэргэ кытталларыгар уонна бокса атын оскуолаларын бэрэстэбиитэллэрин кытта билсэллэригэр кыаҕы биэрэр. Мин эрэллээхпин, маннык уопут кинилэргэ салгыы успуорт өттүнэн сайдалларыгар көмөлөһүө», — диэн бэлиэтээтэ Андрей Слепцов.
Норуоттар икки ардыларынааҕы күрэхтэһиилэргэ кыттыы Саха сиригэр эдэр боксердары бэлэмнээһин суолталаах чааһынан буолар. Маннык саҕалааһыннар спортсменнарга күрэхтэһии уопутун ылалларыгар, маастарыстыба таһымын үрдэтэллэригэр уонна араас дойдулартан күүстээх утарылаһааччылары кытта киирсэн бэйэлэрин тургуталларыгар кыаҕы биэрэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…