Хаартыска: https://t.me/svfunews
М.К. Аммосов аатынан Хотугулуу-Илиҥҥи федеральнай университет киин тутар хамыыһыйата, бүддьүөт суотугар инники күөҥҥэ киирээччилэр (приоритетнай этап) испииһэктэрин бигэргэттэ. Барыта маҥнайгы кууруска 648 үөрэххэ туттарсааччы киирбит.
Итинтэн: тургутуута суох – 23 киһи үөрэххэ киирбит, ураты (особая) кубуотанан – 127, тус сыаллаах кубуотанан – 290, туспа кубуотанан – 208. Үгүс элбэх туттарсааччыны мэдиссиинэ институтугар ылбыттар – 248 киһи, математика уонна информатика институтугар – 39, физика-тиэхиньиичэскэй институкка – 37, тас филология уонна регионоведение институтугар – 32.
“Инники күөҥҥэ киирээччилэри (приоритетный этап) ылыы түмүктэннэ, 648 абитуриент ХИФУ устудьуонунан буолла. Бу түһүмэххэ ордук тус сыаллаах уонна туспа кубуотанан киирдилэр. Бу аата судаарыстыбаттан көрүллэр өйөбүл мэхэньиисимин эдэр дьон сэҥээрэрин, үрдүк үөрэҕи ылалларыгар көмөлөһөрүн туоһулуур.
Аны сүрүн түһүмэх күүтэр, үөрэххэ туттарсааччылар куонкурус испииһэгин болҕойон көрөллөрө уонна кэмигэр сөбүлэҥнэрин ыыталлара ирдэнэр” – диэн ХИФУ киин тутар хамыыһыйатын начаалынньыга Елизавета Ильина бэлиэтээбит.
Сөбүлэҥи атырдьах ыйын 5 күнүгэр, киэһэ 18:00 чааска диэри (Дьокуускай бириэмэтинэн) биэриэхтэрин сөп. Сүрүн түһүмэх бирикээһэ атырдьах ыйын 7 күнүгэр тахсыаҕа. Бу туһунан ХИФУ саайтыгар суруйаллар. Үөрэххэ киирбиттэр испииһэктэрин манан көрүөххүтүн сөп https://abit.s-vfu.ru/rating/specialties#filial=1&form=1&level=1.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…