Хаартыска: Светлана Гоголева тиксэрдэ.
Ити курдук ааттаах кинигэ күн сирин көрдө. СӨ култууратын туйгуна, “Гражданскай килбиэн” бэлиэ хаһаайына, В.Ноев аатынан ырыа куонкуруһун бастакы кыайыылааҕа, биллиилээх ырыа айааччы, норуот тапталлаах ырыаһыта Еримей Афанасьевич Гоголев олоҕун, айар үлэтин сырдатар кинигэ таҕыста.
Кинигэни кэргэнэ Светлана Георгиевна Гоголева уонна Мэҥэ Хаҥалас улууһун култууратын мэтэдииһэ Эмма Максимовна Павлова хомуйан таһаардылар. Биэс түһүмэх тилэри Еримей Гоголев олоҕо, үлэтэ ааҕааччы умсугуйан ааҕар, кэрэхсиир гына сиһилии суруллубут. Элбэх хаартыскалаах, өҥнөөх кинигэҕэ 84 ахтыы киирбит. Кинигэни М.И. Птицына сааһылаан, таҥан таһаарда, “Дани-Алмас” тэрилтэҕэ бэчээттэннэ. Майа тыа сирин түөлбэтин дьаһалтата, Мэҥэ Хаҥалас улууһун култууратын салалтата үбүлээтэ.
Алтынньы 16 күнүгэр Д.Ф. Ходулов аатынан култуура киинигэр кинигэ күн сирин көрбүтүн бэлиэтээһин ыытылынна. Светлана Георгиевна тэрийиитинэн “Кыталык” кафеҕа төгүрүк остуол тула Еримей Гоголев туһунан бииргэ үлэлээбиттэрэ, аймахтара ахтыы оҥордулар.
Дьоро күн иккис чааһыгар тыйаатыр сыанатыттан ахтыы-кэнсиэр дьон болҕомтотун тарта. Тэрээһини Спиридон Григорьев иилээн-саҕалаан ыытта. Көрөөччү сааланы толору кэлбитэ дьону долгутта, үөртэ. Ыраах Сунтаартан Еримей, Светлана Гоголевтар ааттарын ааттаан, эстрада чаҕылхай талааннаах ырыаһыттара кэлэн, көрөөччү кэрэхсэбилин ыллылар. Ол курдук, Людмила Спиридонова, Тамара Попова, Фатима Иванова, Лана Малагина, СӨ норуодунай артыыһа Григорий Петров ырыалара-тойуктара көрөөччү кутун тутта. Мэҥэ Хаҥалас талааннаахтара Прокопий Федоров, Виталий Очиров, Надежда Захарова, Ксенья Абрамова, Еремей Захаров, “Кыталык” үҥкүү норуодунай ансаамбыла о.д.а. толорууларын көрөөччүлэр ис сүрэхтэн биһирии көрүстүлэр.
Бу дьоро киэһэҕэ Москваттан Еримей Гоголев уола Георгий уонна Клим Федоров видеонан ыыппыт эҕэрдэлэрин экран нөҥүө көрөн, мустубут дьон ытыс тыаһынан доҕуһуоллаатылар. Бу киэһэ Еримей Гоголев туһунан истиҥ ахтыылары бииргэ үлэлээбиттэрэ М.Д. Лукина, А.И. Охлопкова, Г.В. Эверстова, Н.И. Никанорова, М.С. Харитонова оҥордулар. Мэҥэ күөрэгэйэ ааты ылыан ылбыт чаҕылхай талааннаах ырыаһыт, ахтар-саныыр кэрэ киһибит Еримей Афанасьевич Гоголев аата ааттана турар төрдө оҥоһулунна. Светлана Георгиевна уонна Гоголевтар оҕолорун, сиэннэрин, аймахтарын ааттарыттан кинигэҕэ үлэлэспит, ахтыы биэрбит дьоҥҥо барыларыгар, тэрээһиҥҥэ кэлбит бары Еримей Гоголев талааныгар сүгүрүйээччилэргэ, көмөлөспүт доҕотторго, дьүөгэлэргэ барҕа махтал буолуохтун.
Татьяна АРТЕМЬЕВА, Майа олохтооҕо.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…