Хаартыска: Раиса Черкашина тиксэриитэ
Суоттуга 16 Дьоруой ийэ сырдык мөссүөнүн, кинилэр ааттарын-суолларын үйэтитэр ытык бэлиэ сиринэн 2010 сыллаахха олохтоох дьаһалта көҕүлээһининэн, үбүлээһининэн (оччотооҕу баһылык Иванов В.И.) арыллыбыт Ийэ искибиэрэ буолар.
Манна 2018 с. саха дьахталларыттан бастакы скульптор Бурцева Раиса Николаевна, талааннаах дьоммут Григорий Гаврильевич, Евдокия Яковлевна Портнягиннар чочуйан оҥорбут скульптуралара туруоруллубута. Быйыл сааскыттан саҕалаан искибиэргэ Дьоруой ийэлэргэ сүгүрүйэн ыскамыайкалары туруоруу саҕаланна. 14 оҕоҕо күн сирин көрдөрбүт тапталлаах Дьоруой ийэ Свинобоева Александра Гаврильевна оҕолоро бастакы ыскамыайканы туруорбуттара.
От ыйын 12 күнүгэр уон оҕоҕо күн сирин көрдөрбүт ытык ийэ — Назарова Февронья Петровна аатын үйэтитэр тупсаҕай көстүүлээх ыскамыайка туруоруутугар аналлаах тэрээһини оҕолоро тэрийэн ыыттылар.
Тэрээһин арыллыытыгар Суотту нэһилиэгин бэтэрээннэрин сэбиэтин бэрэссэдээтэлэ Свинобоева Екатерина Ивановна эҕэрдэ суруктары туттарда.
Уус Алдан Өнөрүттэн төрүттээх Февронья Петровна кэргэнинээн олохтоох Суотту уола Афанасий Илларионович Васильевтыын ыал буолан 7 кыыс, үс уол оҕоҕо күн сирин көрдөрбүттэрэ. Аҕалара эдэр сааһыгар ыарахан ыарыыттан олохтон туораан, Февронья Петровна оҕолорун соҕотоҕун иитэн атахтарыгар туруорбута. Үтүөкэн майгылаах ийэ оҕолоругар аҕаларын суохтаппакка олох бары түбүгүн, кыһалҕатын хорсуннук туораабыта. Өр сыл Суотту балыыһатыгар санитарканан үлэлээбитэ. Сүөһү-ас ииттэн, олорон турбакка үлэлээн оҕолорун үтүө дьон гына иитэн-такайан таһаарбыта, үөрэттэрбитэ.
Билигин Васильевтар сиэннэрэ, хос сиэннэрэ Өлүөхүмэҕэ, Хаҥаласка, Намҥа, Уус Алдаҥҥа, Дьокуускайга уонна дойдуларыгар — Суоттуга олороллор.
Дьоруой ийэ Февронья Петровна оҕолоро төрөппүттэрин туһунан үтүө өйдөбүллэрин үрдүктүк тутан кинилэргэ аналлаах кинигэлэри таһаартарбыттара. Кинилэр төрөөбүт дойдуларыгар Суоттуга ыытыллар үтүө санааланыы аахсыйаларыгар, тэрээһиннэригэр өрүүтүн кыттан көмө-нэм, тирэх буолаллар. Кинилэр төрөөбүт, үөскээбит Суоттулара сайдарыгар ис сүрэхтэриттэн кыһаллаллар.
Раиса Черкашина,
Суотту, Уус Алдан.
Хаартыскалар ааптар тиксэриилэрэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…