Хаартыска: ЯСИА
Бу сыл иккис кыбаарталыгар дойду үрдүнэн ипотекаҕа уонна тырааныспар кирэдьиитигэр иэстээх дьон суумата икки бүк кэриҥэ улаатан, 95 уонна 32 млрд солк. тиийдэ. Кирэдьиити төлөөһүн хаачыстыбата мөлтөөбүтүн Киин Баан уонна дойду бөдөҥ бааннара бигэргэттилэр. Бу туһунан «Холбоһуктаах кирэдьиит бюротун» генеральнай дириэктэрэ Михаил Алексин кэпсээтэ.
«Билигин баан ырыынагар кирэдьиити төлөөһүн хаачыстыбата биллэрдик мөлтөөтө. Кирэдьиит куттала былырыыҥҥыттан мунньуллан кэллэ. Бу сыл иккис кыбаарталыгар ипотекаҕа уонна тырааныспар кирэдьиитигэр иэстээх дьон суумата икки бүк кэриҥэ улаатан, 95 уонна 32 млрд солк. тиийдэ», — диэн Алексин «Известия» хаһыакка эттэ.
Эспиэрдэр санааларынан, иэстээх дьон ахсаанын үрдээһинэ 2023–2024 сылларга кирэдьииттэри биэриини, үрдүк инфляцияны уонна дохуот түспүтүн кытта сибээстээх. Киин Бааҥҥа чуолкайдаабыттарынан, 90 хонуктан ордук кирэдьииккэ иээстээх дьон тырааныспар кирэдьиитигэр өлүүлэрэ 4%-ҥа, оттон ипотекаҕа — 1,1%-ҥа тиийдэ.
Үрдүк бырыһыаннаах ыстаапка уонна табаардар-өҥөлөр сыанатын үрдээһинэ балаһыанньаны өссө уустугурдаллар. Бааннар номнуо кирэдьиит уонна уурунуу усулуобуйаларын мөлтөтөн, ону таһынан саҥа кирэдьииттэри биэрэртэн үгүстүк аккаастыыр буоллулар диэн эспиэрдэр быһаардылар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…