Хаартыска: А.Акимова, А.Васильева түһэриилэрэ
Ыам ыйын 14 күнүгэр “Саха сирэ” хаһыат үлэһиттэрэ Капитоновкаҕа В.И.Кононов аатынан кырдьаҕастар уонна инбэлииттэр олорор интэринээт-дьиэлэригэр сырыттылар.
Кинилэр Алексей Шестаков дириэктэрдээх интэринээт-дьиэ үлэһиттэрин уонна манна олорооччулары кытары атах тэпсэн олорон сэһэргэстилэр. Эрэдээктэри солбуйааччы Анивера Акимова эрэдээксийэ билиҥҥи кэмҥэ үлэтин-хамнаһын, хаһыакка уонна sakha-sire.ru саайтка суруйуулары сырдатта.
Онтон Надежда Егорова кинигэлэрин билиһиннэрдэ, Ангелина Васильева “Сөпкө аһааһын туһунан судургутук” лиэксийэни аахта. Мустубут дьон олус сэргээн иһиттилэр уонна кэпсэтиини салҕаан кэккэ ыйытыылары биэрдилэр. Үөрүөхпүт иһин, манна “Саха сирэ” хаһыаты бибилэтиэкэттэн ылан куруук ааҕаллар уонна интэринээт култуураҕа үлэһитэ Лена Монастырева сарсыарда аайы хаһыат уонна саайт сонуннарын интэринээт-дьиэ араадыйатынан иһитиннэрэр эбит.
Интэринээт-дьиэҕэ 4-с сылын олорор Константин Макаров өрөспүүбүлүкэҕэ социальнай дьиэлэр тустарынан биир эмэ куһаҕан сонун тарҕанна да, маннык дьиэлэр бары куһаҕаннарын курдук санааны иитиэхтииллэриттэн (социальнай ситимнэринэн) хомойорун уонна Капитоновка дьиэтэ куруук ырааһын, эйэҕэс-сайаҕас үлэһиттэрдээҕин туһунан “Мин Капитоновкабын көмүскүүбүн!” диэн аһаҕастык эттэ.
Быйыл тэриллибитэ 55 сылын бэлиэтиир Капитоновка интэринээт-дьиэтин дириэктэрин солбуйааччы Анатолий Назаров кэлэктиип аатыттан бүгүҥҥү тэрээһин иһин махталын биллэрдэ. Бибилэтиэкэ салайааччыта Тамара Васильевна эмиэ махталын биллэрэн, биһиэхэ бибилэтиэкэ хоһун көрдөрдө, өссө да көрсүһэ кэлэрбитигэр ыҥырда.
Интэринээт-дьиэ олохтоохторо чахчы ып-ыраас, сырдык дьиэҕэ олороллорун, кинилэри аралдьытар элбэх тэрээһин ыытылларын, үлэһиттэр кыһамньылаахтарын бэлиэтии көрдүбүт. Холобур, биһиги сылдьар күммүтүгэр 3 тэрээһин былааннанан ыытыллыбыт. “Гармония” диэн ааттаах кулууптарын аана сабыллыбат, Дьокуускай куорат араас тэрилтэлэрэ уонна айар түмсүүлэр, артыыстар кэлэн олохтоохтору сэргэхситэллэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…