Кэбээйи сэлиэнньэтигэр Олоҥхо XIX өрөспүүбүлүкэтээҕи ыһыаҕар бэлэмнэнии түмүктэнэн эрэр. Кэбээйи улууһа ыалдьыттары көрсөргө бэлэм буолла. Ол туһунан брифиҥҥэ Саха сирин култуураҕа уонна духуобунай сайдыыга миниистирэ Афанасий Ноев иһитиннэрдэ. Бу туһунан sakha.gov.ru суруйар.
Өрөспүүбүлүкэ баһылыгын Айсен Николаев быһаарыытынан бырааһынньык Олоҥхо үһүс уон сылын арыйыаҕа.
“Уһун Хонуу” диэн сиргэ түһүлгэҕэ тутар үлэ түмүктэннэ. Бүгүн кылаабынай режиссер Руслан Тараховскай салалтатынан режиссерскай-туруорар бөлөх Кэбээйи оройуонун олохтоохторун кытта театрализованнай туруорууга бүтэһик бэлэмнэниитин ыытар. Аһыллыы уонна сабыллыы сиэригэр тыһыынчаттан тахса киһи кыттыаҕа. Бу Кэбээйи оройуонугар бастакы улахан өрөспүүбүлүкэтээҕи тэрээһининэн буолар. Нэһилиэктэртэн волонтердар, актыбыыстар кытталлар”, — диэтэ миниистир.
Ыһыахха 40 тахса куонкурус уонна күрэхтэһии ыытыллыаҕа. Олор истэригэр – олоҥхону толорооччулар, оһуохайдьыттар, тойуксуттар куонкурустара, успуорт күрэхтэһиилэрэ буолуоҕа.
ЮНЕСКО “Аан дойду норуоттарын эпостара” норуоттар икки ардыларынааҕы бырайыагы билиһиннэриэхтэрэ. Кэбээйигэ Башкортостан, Хакасия, Тыва, Алтаай, Казахстан уонна Кыргызстан бэрэстэбиитэллэрэ кэлиэхтэрэ.
“Бу бэстибээл эпос Арассыыйа уонна аан дойду норуоттарыгар тылы, култуураны уонна духуобунаһы сайыннарыыга тирэҕинэн буоларын көрдөрөр”, — диэтэ Афанасий Ноев. Олоҥхо ыһыаҕын чэрчитинэн аан бастаан “Вкус улусов Якутии” гатрономическай былаһаакка тэриллиэҕэ. “Олоҥхо ыһыаҕа” – бу өрөспүүбүлүкэ олохтоохторун түмэр духуобунай баайбыт”. – диэн чопчулаата миниистир. Сиһилии: https://www.sakha.gov.ru/news/54973
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…