Киһи өлүүлээх баһаар буолла

Кулун тутар 8 күнүгэр  21:55 чааска Дьокуускай куорат баһаарынай-быыһыыр сулууспатыгар алта кыбартыыралаах дьиэ умайан эрэрин туһунан суһал иһитиннэрии киирбит.

Баһаарынайдар  Кирсанова уулуссаҕа ыйыллыбыт аадырыһынан тиийбиттэрэ, олорор дьиэ умайа турар эбит. Хомойуох иһин,  1979 сыллаах төрүөх киһи уокка былдьаммыт.

Баһаарынайдар суһал үлэлэрин түмүгэр, 8 киһини эвакуациялаатылар. Баһаары умуруорууга  43 киһи  үлэлээтэ.