Кириһиэнньэ күн норуот итэҕэлинэн

Тохсунньу 19 күнэ — Кириһиэнньэ күнүнэн биллэр. Бу күн норуот итэҕэлинэн тугу гыныахтаахпытый?

Бу күн таҥас, муоста сууйар бобуллар. Кириһиэнньэ күн уунан кири-хоҕу сууйар анньыы эбит. Ону сэргэ, бу күн кыыһырсар, киҥир-хаҥыр саҥарсар, хобу-сиби кэпсэтиһэр үчүгэйи аҕалбат. Аһыы утаҕы иһии эмиэ көҥүллэммэт. Дьиэҕэ-уокка сыһыаннаах үлэни сарсыҥҥы күҥҥэ диэри уталытар ордук. Ас тобоҕун бөххө тохтоххо, харчы, ас-үөл кыһалҕатын көрсүөххэ сөп диэн анньыырҕыыллар эбит. Ол кэриэтин бу күн кыһалҕалаах дьоҥҥо көмөлөһөр ордук. Ытыыр, хоргутар буоллахха, сыл устата хараҕыҥ уутун тоҕуоххун сөп диэн өбүгэлэрбит кыраттан да үөрэллэрэ үһү. Кириһиэнньэ күнэ сырдык санааны саҕар, үтүөнү эрэ кэрэһэлиир.