Хаартыска: sakha.gov.ru ылылынна
Култуура бэстибээлэ Владивостокка балаҕан ыйын 1-4 күннэригэр ыытыллар XI Илиҥҥи экэнэмиичэскэй пуорум чэрчитинэн буолуоҕа.
Бэстибээл бырагыраамата ВЭФ официальнай саайтыгар бэчээттэммит.
Ураты болҕомто Арассыыйа киэҥ далааһыннаах култуурунай көрүҥнэригэр ууруллуоҕа. Быыстапкалар уонна сырдатар бырайыактар ыалдьыттарга Уһук Илин төрүт олохтоох норуоттарын үгэстэрин билиһиннэриэхтэрэ. Болҕомтону тардар кииннэртэн биирдэстэринэн «От алеутов до якутов. Дальневосточный вектор» бырайыак буолуоҕа. Маны сэргэ куорат историческай сирдэригэр, «Миллионка» түөлбэҕэ экскурсиялар тэриллиэхтэрэ.
—Илиҥҥи экэнэмиичэскэй пуорум Уһук Илин сирин-уотун социальнай-экэнэмиичэскэй сайдыытын туһунан кэпсиирин сэргэ, биһиги эрэгийиэннэрбит уратыларын — култуураларын, үгэстэрин, олохторун укулааттарын уонна айар ситиһиилэрин билиһиннэрэр. Манна, биир былаһааккаҕа, ВЭФ кыттыылаахтара уонна ыалдьыттара музыкальнай кэлэктииптэри кытта билсиэхтэрин, эрэгийиэннэр уус-уран бырайыактарын уонна креативнай көҕүлээһиннэрин туһунан билиэхтэрин сөп. Ити барыта биһиги Уһук Илиммитин чугаһатыахтаах, дьону манна кэлэргэ, араас сирдэр-уоттар уратыларын уу харахтарынан көрөргө угуйуохтаах, — диэн этэр РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илиннээҕи ФУо боломуочуйалаах бэрэстэбиитэлэ, Илиҥҥи экэнэмиичэскэй пуорум тэрийэр кэмитиэтин бэрэссэдээтэлэ Юрий Трутнев.
Бырагыраама улахан аҥаара Арассыыйа уонна Уһук Илин историятыгар ананыаҕа. Дойду бастыҥ музейдарын бырайыактарын нөҥүө ыалдьыттар Арассыыйа флотун сайдыытын, Владивосток историятын туһунан, уо.д.а. билиэхтэрин сөп. Сүрүн бырайыактар ортолоругар «120 лет под водой » уонна «Взгляд на Восток» быыстапкалар, уо.д.а. бааллар.
Пуорум тэрийээччитэ — РФ Бырабыыталыстыбатын өйөбүлүнэн Росконгресс пуондата.
Сиһилии: https://www.sakha.gov.ru/news/59677
СӨ Ил Дарханын уонна СӨ Бырабыыталыстыбатын пресс-сулууспата
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…