Хаартысканы Н.Н.Осипов тиксэрдэ
Былыргы дьыл былдьаһыктаах күннэриттэн күн бүгүнүгэр диэри Саха омук аар тайҕабыт мааны кыылларын: куобаҕы, мас көтөрүн, тайаҕы уо.д.а. кэмнээн, сөбүгэр көрөн бултаан аһылык оҥостон, күндү түүлээхтэн таҥас тиктэн күн бүгүнүгэр диэри тиийэн кэллэхпит.
Арассыыйабыт киин сирдэриттэн айылҕабыт уларыйа сылдьарынан, тыйыс тымныыбытынан уратылаахпытынан уонна олохпутугар булт улахан суолталааҕын өйдөөн, СӨ урукку Аҕа Баһылыга Е.А.Борисов муус устар бастакы өрөбүлүн Булчут күнүнэн биллэрбитэ. Бу бэлиэ түгэҥҥэ түбэһиннэрэн Мытаахтааҕы хартыына түмэлэ араас көрүҥнэрдээх тайах муостарын быыстапкатын туруорда. Олортон дьикти дириҥ ис хоһоонноох икки муоска санаабын уурдум, ол курдук “Охота и охотничье хозяйство” Бүтүн Союзтааҕы сурунаал суруналыыһа, биологическай наука кандидата А.Калецкай, 1971 сыллаахха сурунаал 7 нүөмэригэр Саха сиригэр Горнай оройуонугар бултааһын туһунан илдьиритэн ыстатыйа таһаарбыт. Онно Мытаахтан 61 саастаах, өр сылларга нэһилиэгэр холхуос биригэдьииринэн, бэрэссэдээтэлинэн ону кытта нэһилиэк сэбиэтин бэрэссэдээтэлинэн үлэлээн, нэһилиэк инники сайдыытыгар олук уурсубут Серафим Данилович Григорьев, пенсияҕа тахсан баран “Горнай” сопхуоска кадровай булчутунан сылдьарын суруйбут. 1970 сыллаахха Хандаа диэн сиргэ бултаабыт аарыма тайаҕын муоһун тутан түспүт хаартыскатын таһаарбыт. Үйэ аҥарыттан ордук кэм бу муос Серафим Данилович кыра уолугар Серафим Серафимовичка бэрт кичэллээхтик харалла сыппытын быыстапкаҕа билиҥҥи кэм дьонугар көрдөрүүгэ тахсыбыта сэргэхсийиини оҥордо. Ол курдук улахана, кыраһыабайа саастарын көрдөрөр элбэх салаалааҕа болҕомтону тардар. Бу муос өссө бэйэтин кэмигэр биир түгэҥҥэ Дьокуускай куоракка быыстапкаҕа турбутун туһунан олохтоох булчут И.Г.Пахомов ахтыытыгар суруллубут.
Серафим Данилович кыра уола Серафим аҕатыттан үөрэнэн байанайдаах булчутунан нэһилиэгин, улууһун олохтоохторугар биллэр булчут, кини анал көҥүл ылан күһүн тайахха бултуурун сөбүлүүр. Ол курдук 1990 сыллаахха бултаабыт тайаҕын муоһа быыстапкаҕа турда. Муоһу өйдөөн көрдөххө, кэннигэр олорсо сылдьан салайарга табыгастаах икки анал муостардаах эбит. Ону Серафим Серафимович “Аар Айылҕабыт хаһаайына Баай барыылаах Байанай улуу кыылы миинэн, сирин, булдун кэрийэн көрөр миҥэтин миэхэ анаабыта буолуо диэн” санаатын этэр.
Мытаах түмэлин дириэктэрэ СӨ культуратын туйгуна А.Н.Егоров быыстапканы сэҥээрэн көрөөччүлэргэ бу муостар тустарынан бэрт хомоҕойдук кэпсээн көрөөччү сүргэтин көтөҕөр.
Н.Н.Осипов, РФ суруналыыстарын сойууһун чилиэнэ.
Дьиикимдэ бөһ.
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…