Кыһыл көмүс мэтээлинэн бүтэрбит кыыс билиитин бигэргэттэ

Быйылгы сыллааҕы биир кэлим эксээмэн түмүктэннэ. Бэс ыйын 23 күнүгэр буолан ааспыт география уонна литэрэтиирэ эксээмэннэрин түмүктэрэ билиннилэр. Бу туһунан Ил Дархан пресс-сулууспата иһитиннэрэр.

Дьокуускай куорат 3-с №-дээх оскуолатын 2022 сыллааҕы бүтэрээччитэ Мария Осипова литэрэтиирэҕэ саамай үрдүк баалы ылла. Мария оскуоланы кыһыл көмүс мэтээлинэн бүтэрбитэ уонна кини быйыл бэйэтин билиитин өссө төгүл бигэргэттэ.

Саха сирин үрдүнэн бүгүҥҥү күҥҥэ 27 сүүс бааллаах выпускник баар. Икки бэрэдимиэккэ саамай үрдүк бааллаах — Нерюнгриттан икки уонна Дьокуускай куораттан биир выпускник баар.

Эрдэ литэрэтиирэҕэ биир кэлим эксээмэҥҥэ 100 баалы – 8, химияҕа – 3, нуучча тылыгар – 12, информатикаҕа – 2, профильнай математикаҕа – 1 выпускник ылбыт.

Санатан этэххэ, Ил Дархан Айсен Николаев ыйааҕынан саамай үрдүк баалы ылбыт выпускникка 100 тыһыынча солкуобай бириэмийэ олохтоммута.