Күҥҥэ түөрт эстии бэлиэтэннэ

Учуонайдар сабаҕалааһыннарынан, бэс ыйын 23 күнүгэр куйаар күнэ-дьыла нуһаран буолуоҕа. Кр-индекс тоҕус бааллаах шкаланан 2,0-тэн үрдээбэт, онон исписэлиистэр бу күнү кыраапыктарга күөх өҥүнэн бэлиэтээбиттэр. 

РНА Күн астрономиятын лабораториятын уонна Күн-Сир физикатын институтун  исписэлиистэрэ бэс ыйын 23 күнүгэр геомагнитнай хонуу нуһаран туруктаах буолуо диэн сабаҕалыыллар. Планетарнай Kp-индекс 2,0 бэлиэттэн үрдээбэт, онон бу күн кыраапыктарга күөх өҥүнэн көстөр.

Лаборатория эспиэрдэрин сыанабылынан, бэс ыйын 23 күнүгэр магнитнай буурҕа буолар кыаҕа 3% эрэ, оттон мөлтөх геомагнитнай долгуйуулар тахсар саарбахтааһыннара 10% кэриҥэ. Нуһаран куйаар күнэ-дьыла буолар кыаҕа 87% тэҥнэһэр.

Ap индекс 5-кэ тэҥ, оттон F10.7 Күн сардаҥатын индекса 120 тэҥнэһэр. Бу көрдөрүүлэр Күн көхтөөх буолуутун намыһах таһымын уонна магнитосфера нуһаран туругун туоһулууллар.

Ол да буоллар, бэс ыйын 21 күнүгэр учуонайдар Күҥҥэ түөрт эстиини бэлиэтээбиттэр. Олортон үһэ С кылааска киирсэллэр, үксүгэр сиргэ магнитнай буурҕаны үөскэппэттэр. Эстиилэр түүн 00:22-тэн сарсыарда 04:14-кэ диэри бэлиэтэммиттэр.