Кырыкый көхтөөх дьоно Саха сирин сарсыҥҥытын салайсаллар
Үөһээ Бүлүү улууһун Кырыкый нэһилиэгин дьоно-сэргэтэ сэргэхтэр, олоххо көхтөөхтөр. Улуус кииниттэн 90 км хоту диэки сытар кыракый нэһилиэккэ олох күөстүү оргуйар.
Нэһилиэккэ урут-уруккуттан олоххо көхтөөх дьон бэрт тэрээһиннээхтик үлэлии-хамсыы олороллор. Кэнники сылларга нэһилиэк түөлбэлэрэ бары тэрээһиннэргэ көхтөөхтүк кытталларын бэлиэтиир тоҕоостоох.
Бүгүн эмиэ Саха Өрөспүүбүлүкэтин күнүн чэрчитинэн түөлбэлэр икки ардыларыгар быыстапка-дьаарбаҥка ыытылынна. Манна олохтоохтор бэйэлэрин илиилэринэн оҥорбут оҥоһуктара, амтаннаах астара, тикпит таҥастара-саптара, уруһуйдара, о.д.а. турдулар. Быыстапка кэмигэр мааны куоластаах ырыаһыттар ылбаҕай ырыаларын бэлэхтээтилэр. Нэһилиэк дьоно-сэргэтэ быыстапкаттан астынан-дуоһуйан, сүргэтэ көтөҕүллэн тарҕаста.
Сообщить об опечатке
Текст, который будет отправлен нашим редакторам: