Хаартыска: Елена Потоцкая.
От ыйын 5 күнүгэр, бэҕэһээ, Кэбээйигэ ыытыллыбыт Олоҥхо ыһыаҕа түмүктэнэн, ыһыахчыттар бөөлүүн түүн, бу сарсыарда уонна бу чааска этэҥҥэ айаннаан киин куоракка кэллилэр.
Онон үгүстэр бэйэлэрин улуустарыгар, нэһилиэктэригэр бу киэһэ эбэтэр сарсын тиийиэхтэрэ. Ыһыах кэмигэр үгүстэр араас тэрээһиннэргэ кытта, күрэхтэһэ, быыстапкалыы сылдьар буолан, ыһыах сонуннарын олох да көрбөккө, аахпакка хаалбыттара чахчы.
Онуоха эбии ыһыахтыыр сиргэ, Кэбээйи сэлиэнньэтигэр бэйэтигэр сибээс бара-бара кэлэр буолан, үгүс тэрээһин тута сырдатыллыбата, дьон даҕаны бокуойдара суох буолан, төлөпүөннэриттэн тэйэ сырыттылар.
Онон бүгүн ыһыах кэмигэр ылбыт репортажтарым, бэлиэтээһиннэрим сонуна сойбокко, үгүс киһи үөрэ-көтө ааҕарыгар эрэнэбин.
Хомусчуттар күрэстэригэр доруобуйаларынан хааччахтаах дьон хомустуу үөрүйэх дьону кытта тэҥҥэ кииристилэр. Үөһээ Бүлүүттэн кэлбит Степан Сергеев улууһун дэлэгээссийэтигэр киирбэтэх буолан, бэйэлэрин массыыналарыгар олорбуттар да кэлэ турбуттар. Степаны хомуска оскуолаҕа сырыттаҕына учуутала Агния Чиркова уһуйбут. Онтон ыла эдэр киһи хомуһун бырахпакка, күн бүгүнүгэр диэри оонньуу сылдьар.
«Хомуска оонньоотохпуна санаам чэпчиир. Наһаа элбэх талааннаах ыччат баар эбит. Мин хомус күрэһигэр кыттыахпын наһаа баҕарар этим. Ол санаабын толорбуппуттан үөрэн аҕай олоробун. Ким баҕалааҕы кытыннараллара наһаа үчүгэй эбит«, диэн санаатын үллэһиннэ Степан Сергеев.
Үөһээ Бүлүү ыччата күүстээх санаатын киллэрэн туран, Олоҥхо ыһыаҕын тэлэбиисэринэн эрэ көрөрүнэн муҥурдаммака, баҕа санаатын толордо. Олоҥхо ыһыаҕар ким ыллыан-туойуон, күөн күрэстэһиэн, талаанын көрдөрүөн баҕалаах бары кыттыыны ылла.
Степан Сергеевка: «Бу курдук санаабытыҥ барыта туоллун, толкуйдаабытыҥ ыпсан истин, сырдык ыра санааҕын толоро сырыт, эйиигин кытта өрүү ситиһии, табыллыы аргыстастын!» — диэн алгыс истиҥ тылларын аныыбыт!
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…