Ленскэйгэ 52 саастаах киһи бииргэ арыгылаабыт киһитин өлөрбүт
Ленскэй оройуонун 52 саастаах олохтооҕо киһини өлөрбүтүнэн холуобунай дьыала силиэстийэтэ түмүктэннэ диэн СӨ Силиэстийэлиир кэмитиэтэ иһитиннэрэр.
Силиэстийэ дааннайдарынан, 2023 сыл ахсынньы 23 күнүгэр Ленскэй оройуонун биир сэлиэнньэтигэр буруйданааччы бэйэтин дьиэтигэр билэр киһитин кытта итирдэр утаҕы испиттэр. Ол иһэ олорон кыыһырсыбыттар. Буруйданааччы тэҥҥэ арыгылыы олорбут киһитин бүргэһинэн төбөҕө, сирэйгэ, илиигэ 18-та аспыт. Онтон сүгэ сытарын көрөн, аны онон эр киһини төбөҕө охсубут.
Ол айылаах кэнниттэн ыалдьыт тыына быстыбыт.
Буруйданааччы ыаллыы олорор киһитигэр тиийэн туох буолбутун кэпсээбит. Быһылаан миэстэтигэр кэлбит силиэстийэлиир кэмитиэт уонна полиция үлэһиттэрэ эр киһини туппуттар.
Холуобунай дьыала салгыы суут көрүүтүгэр барбыт.
Сообщить об опечатке
Текст, который будет отправлен нашим редакторам: