https://www.magnific.com/
Байыастарбыт сулууспалыыр болдьохторо бүтэн дойдуларыгар этэҥҥэ эргиллэн, эйэлээх олохторун салгыыллар уонна саҥа дьыаланы саҕалыыллар. Бу күннэргэ Ленскэй улууһугар Анал байыаннай дьайыы бэтэрээнэ Игорь Ионов социальнай хантараак көмөтүнэн тутуу фирматын тэриннэ.
Бу үтүө сонун туһунан «Аҕа дойдуну көмүскээччилэр» судаарыстыбаннай пуонда Саха сиринээҕи филиала иһитиннэрдэ.
Игорь Ионов — элбэх оҕолоох дьиэ кэргэн тапталлаах аҕата. Кини 2022 сыллаахха быстах мобилизацияҕа ыҥырыллыан иннинэ тутуу эйгэтигэр үлэлээбит. Анал байыаннай дьайыыга кини легендарнай 155-с байҕал пехотатын биригээдэтигэр сулууспалаабыт. Үс сыл кэриҥэ фроҥҥа сылдьыбыт.
Бойобуой сорудахтары хорсуннук толорорун иһин Игорь Ионов хас да үрдүк наҕараадаҕа тиксибит: «Хорсунун иһин», «Байыаннай килбиэн иһин» II истиэпэннээх, «Бойобуой уратытын иһин», ону таһынан 155-с биригээдэ мэтээлинэн наҕараадаламмыт. Маны таһынан кини Владивостокка балыыһаҕа эмтэнэ сытан, Аҕа дойду Улуу сэриитин дьоруойдарын пааматынньыгын чөлүгэр түһэрбитин иһин Бочуотунай кырааматаны туппут.
Игорь Ионов сулууспатын болдьоҕо бүтэн , дойдутугар Ленскэйгэ, тапталлаах дьиэ кэргэнигэр төннөн кэлбит. Бэтэрээн олоххо миэстэтин булунар сыалтан, судаарыстыба өттүттэн социальнай хантараак диэн өйөбүл баарын истэн, бэйэтин урукку идэтинэн тутуу фирматын арынарга быһаарыммыт. Бу дьыаланы саҕалыырыгар, докумуоннарын сөпкө толороругар «Аҕа дойдуну көмүскээччилэр» пуонда Ленскэйдээҕи филиалын социальнай координатора Светлана Манакова улаханнык көмөлөспүт. Кини наадалаах кумааҕылары барытын хомуйан, оттон «Мин биисинэһим» киин нөҥүө биисинэс-былааны оҥороругар сүбэ-ама буолбут.
Билигин Игорь Ионов — сокуоннай статустаах урбаанньыт. Кини фирмата олорор дьиэлэри уонна атын да тутуулары оҥоруунан дьарыктанар. Бэтэрээн тэрилтэтэ тутуу бары түһүмэхтэрин толорор кыахтаах: тутуу барар былаһааккатын бэлэмнээһинтэн, дьиэ фундаменын кутуутуттан саҕалаан, үрдүн сабыыга, иһин-таһын киэргэтиигэ уонна уот-күөс тардыытыгар тиийэ оҥорор. Маны таһынан муостаны тэлгэтии, эркини бүрүйүү, мас уонна плотник үлэлэрэ, ититэр систиэмэни уонна кондиционердары туруоруу, эргэ дьиэлэри көтүрүү курдук үлэлэри толорор. — «Пуонда филиалыгар уонна бэйэм социальнай координаторбар көмөлөрүн, өйөбүллэрин иһин дириҥник махтанабын. Бу хардыым олоҕум салгыы сайдарыгар уонна биисинэскэ саҥа саҕахтары арыйарыгар эрэнэбин», — диэн АБДь бэтэрээнэ Игорь Ионов санаатын үллэһиннэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…