Хаартыска: pxhere.com
Бу күннэргэ өр кэм устата магнитнай буурҕалар түспүттэрэ, оттон салгыы учуонайдар өссө күүстээх магнитнай буурҕалар түһүөхтэрэ диэн куттаан эрэллэр.
Алтынньы 11 күнүттэн Сир Күн күүстээх дьайыытыгар киирдэ. Ол дьон уопсай туругар дьайар, куһаҕан турукка киллэрэр уонна хроническай ыарыылары бэргэтэр кыахтаах кэккэ мөлтөх магнитнай буурҕалары үөскэтэллэр, диэн Атмосфера дьайыыларын Национальнай управлениета иһитиннэрэр.
Быраас-терапевт, мэдиссиинэ билимин хандьыдаата Андрей Кондрахин быһаарбытынан, идэлээхтэр ортолоругар магнитнай буурҕаларга сыһыаннаах икки санаа үөскээбит. Сорохтор этэллэринэн, бу түбэлтэҕэ боростуой аймалҕан дьайыыта оруолу оонньуур – дьоҥҥо магнитнай буурҕа кутталлааҕын туһунан мэлдьи этэр буоланнар, киһи бэйэтэ ыалдьар санаатыгар ылларар. Оттон атыттар сэрэтиини дьиҥнээхтик ылыналлар.
«Дьиҥнээҕинэн магнитнай буурҕалар, биллэн турар, киһи организмыгар кыратык да буоллар дьайаллар, – диэн Кондрахин бэлиэтээтэ. – Ол эрээри, быһаччы буолбатах. Биһиги мэйиибит тулалыыр эйгэҕэ туох эрэ бырассыастар бара туралларын сэрэйэр, ол эрээри чуолкай ханнык бырассыастар буолалларын өйдөөбөт. Ол иһин киһи организма «көмүскэнии» эрэсиимигэр киирэр. Түмүгэр дьон-сэргэ туруктара мөлтүүр, мэлльи утуйуох санаалара киирэр, кыыһырымтаҕай уонна болҕомтото суох буолаллар».
Эспиэр этэринэн, магнитнай буурҕа кэмигэр куһаҕан турукка, бастатан туран, онто да суох доруобуйалара мөлтөөбүт дьон киирэллэр. Онуоха бу аҥардас хроническай ыарыылар баалларыгар эрэ сыһыана суох, организм уопсай туругар эмиэ сыһыаннаах: холобур, доруобуйа истириэстэн, аһары үлэлээһинтэн, утуйар уонна сынньанар эрэсиимэ кэһиллибититтэн, эбэтэр стимулятордары – кофены уонна энергетическэй утахтары иһэр буолбутуттан мөлтөөбүт буоллаҕына.
«Магнитнай буурҕа муҥутуур кэмин хайдах сөпкө көрсөр туһунан сүбэ, дьиҥэр, биир эрэ: энергияны кэмчилиир эрэсиимҥэ көһүү», – диэн эспиэр сүбэтин кытта үллэһиннэ. – Бу күннэргэ аһары үлэлээбэт ордук, наһаа элбэх соругу уонна эппиэтинэһи ылыммакка, утуйар эрэсиими сааһылыы сатыахха, үгүстүк сынньаныахха наада. Ону таһынан аһылыгы көрүнэн уонна арыгыны иһиэ суохха наада – ити барыта куһаҕан туругу өссө бэргэтиэ».
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…