МАХ платформа
МАХ мессенджер нөҥүө бырааска суруттарар сыыппаранан өҥө үлэлиэҕиттэн Саха сирин олохтоохторо өҥөнөн 100 тыһыынчаттан тахса төгүл туһаннылар. Маннык үрдүк көрдөрүү саҥа мессенджер олус наадалааҕын дакаастыыр диэн өрөспүүбүлүкэ Доруобуйа харыстабылын министиэристибэтэ бэлиэтиир.
МАХ платформа нөҥүө терапевка, педиатрга, бырааска, офтальмологка, акушер-гинекологка, стоматологка, хирурга уонна да атын исписэлиистэргэ суруттарыахха сөп. Ону таһынан, сервис көмөтүнэн бырааска кэлэр күнү көрөргө уонна наада буоллаҕына, суруттарыыны тохтоторго кыах бэриллэр.
Электроннай өҥөлөрү уонна онлайн-суруттарыыны сайыннарыы Арассыыйа Бэрэсидьиэнэ Владимир Путин көҕүлээбит «Уһун уонна көхтөөх олох» национальнай бырайыагын чэрчитинэн ыытыллар. Маны сэргэ, доруобуйа харыстабылын сыыппараҕа көһөрүү үлэтэ Ил Дархан Айсен Николаев бигэргэппит стратегиятыгар олоҕурар.
МАХ мессенджер өссө биир ирдэбиллээх өҥөтүнэн больничнай лииһи ыраахтан олорон сабыы буолар. Ыарыһахтар үтүөрэн баран, эмтиир быраастарын кытта телемэдиссиинэ нөҥүө кэпсэтэн, больничнайдарын саптарыахтарын сөп. Бу кыах ыалдьыбыт дьиэ кэргэттэрин көрөр-харайар дьоҥҥо, ону тэҥэ харантыын кэмигэр эмиэ бэриллэр. Билиҥҥи туругунан, МАХ нөҥүө 12 тыһыынчаттан тахса больничнай лиис сабыллыбыт.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…