Хаартыска: СахаГов.ру
Саха сиригэр «Соцпомощник Якутия» сыыппара сервиһэ үлэлиир. Бу сервис өрөспүүбүлүкэ олохтоохторугар баар чэпчэтиилэр уонна социальнай өйөбүллэр туһунан иһитиннэриини ыларга көмөлөһөр. Виртуальнай көмөлөһөөччү MAX национальнай мессенджергэ үлэлиир уонна көмөнү талан ыларга кыах биэрэр.
MAX платформаҕа сыыппара сервистэрин сайыннарыы Арассыыйа Бэрэсидьиэнэ Владимир Путин көҕүлээбит «Дааннайдар экэниэмикэтэ уонна судаарыстыбаны сыыппараҕа көһөрүү» нацбырайыагын олоххо киллэриини кытта ситимнээх. Национальнай мессенджери араас эйгэҕэ, ол иһигэр нэһилиэнньэни социальнай өйөөһүҥҥэ олоххо киллэрии судаарыстыбаннай өҥөлөр тиийимтиэ буолууларын үрдэтиигэ, экэниэмикэни уонна социальнай эйгэни сыыппаралааһыҥҥа, ону тэҥэ дойду технологияҕа суверенитетын бөҕөргөтүүгэ туһаайыллар.
Иһитиннэриини ылар туһуттан чат-ботка киирэн хас да ыйытыыга хоруйдуохха наада. Ылыллыбыт дааннайдарга олоҕуран, виртуальнай көмөлөһөөччү гражданин ылыан сөптөөх социальнай өйөбүллэр испииһэгин оҥорон таһаарар.
Чат-ботка олорор дьиэни уонна хомунаалынай өҥөнү төлөөһүҥҥэ субсидияны эрдэттэн суоттуурга аналлаах «ЖКУ калькулятора» киллэриллибит. Маны туһанан олохтоохтор судаарыстыбаннай өйөбүл кээмэйин быһаарыахтарын уонна сайабылыанньа биэрэргэ судаарыстыбаннай уонна муниципальнай өҥөлөр порталларыгар киириэхтэрин сөп.
Маны таһынан, сервискэ байыаннай сулууспалаах дьиэ кэргэнин «Забота» пааспарын уонна Саха сирин олохтооҕун Каартатын туһунан иһитиннэрии бэриллэр.
«Соцпомощник Якутия» биэдэмистибэлэргэ эрдэттэн барбакка эрэ, социальнай өйөбүллэри электроннай көрүҥүнэн туһанарга кыах биэрэр. Ол эрээри, чэпчэтиилэри уонна субсидиялары биэрии туһунан бүтэһиктээх быһаарыыны боломуочуйалаах уорганнар сайабылыанньаны уонна наадалаах докумуоннары көрбүттэрин кэннэ ылаллар.
Виртуальнай көмөлөһөөччүнү MAX мессенджергэ бу сигэнэн туһаныахха сөп: https://max.ru/zabota_yakutia_bot
Санатабыт, MAX национальнай мессенджергэ Саха сирин Ил Дархана Айсен Николаев уонна өрөспүүбүлүкэ Бырабыыталыстыбатын официальнай ханааллара эмиэ үлэлииллэр.
Саха сирин Ил Дарханын ханаалыгар https://max.ru/aisen_nikolaev, оттон өрөспүүбүлүкэ Бырабыыталыстыбатын ханаалыгар – https://max.ru/sakhagov сигэнэн суруттарыахха сөп.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/66405
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…