МАХ платформа
Саха сиригэр MAX мессенджергэ «Саха сирин ханааллара уонна сервистэрэ» (https://max.ru/sakhagovbot) чат-бот үлэтин саҕалаата. Саҥа сервис өрөспүүбүлүкэ олохтоохторугар наадалаах иһитиннэриилэри, өҥөнү түргэнник буларга көмөлөһүөҕэ.
Саҥа сыыппара сервистэрин олоххо киллэрии Арассыыйа Бэрэсидьиэнэ Владимир Путин көҕүлээбит «Дааннайдар экэниэмикэтэ уонна судаарыстыбаны сыыппараҕа көһөрүү» (Экономика данных и цифровая трансформация государства) национальнай бырайыак соруктарыгар, ону таһынан Саха сирин Ил Дархана Айсен Николаев быһаарбыт өрөспүүбүлүкэни сыыппаранан сайыннарыы сүрүн хайысхаларыгар сөп түбэһэр.
«MAX мессенджер дьон олоҕор күн-түүн киирэн иһэр. Саҥа чат-бот көмөтүнэн навигация лаппа судургу буолла, миэхэ наадалаах олохтоох ханааллары көрдүүр олус табыгас уонна чэпчэки», — диэн Саха сирин олохтооҕо Андрей Ленов санаатын үллэһиннэ.
Чат-бот Саха сирин сыыппара сервистэрин биир сиргэ түмпүт сиринэн буолар. Манан туһанааччылар наадалаах саайтка, анал чат-бокка, мини-сыһыарыыга, ханаалга киэриэхтэрин эбэтэр электроннай пуорманы толоруохтарын сөп. Бу өрөспүүбүлүкэ сыыппара ресурсаларын көрдүүрү уонна туһанары биллэрдик чэпчэтэр.
«Бүгүн Саха сиригэр олус элбэх сыыппара сервиһэ үлэлиир, онон дьон наадалаах ресурсаны түргэнник булара улахан суолталаах. MAX-ка үлэлиир «Саха сирин ханааллара уонна сервистэрэ» чат-бот эрэгийиэн сыыппара экотиһиктэрин навигаторынан буолла, саамай көрдөбүллээх сервистэри биир сиргэ түмтэ», — диэн Саха сирин Инновацияҕа, сыыппара сайдыытыгар уонна инфокоммуникационнай технологияларга миниистирэ Петр Николаев бэлиэтээтэ.
Сыыппара сервистэрин сайыннарыы уонна судаарыстыбаннай өҥөнү дьоҥҥо-сэргэҕэ чугаһатыы — эрэгийиэни сыыппараҕа көһөрүү биир сүрүн хайысхата. Тиһэх сылларга Саха сиригэр доруобуйа харыстабылыгар, социальнай өйөбүлгэ, судаарыстыбаннай өҥөнү оҥорууга уонна дьон былаас уорганнарын кытта алтыһыытыгар аныгы сыыппара быһаарыылара көдьүүстээхтик олоххо киирэллэр.
Саҥа сервис кыахтарын кытта MAX мессенджергэ «Биир кэлим эрэгийиэннээҕи сервис» чат-бот нөҥүө билсиэххэ уонна туһаныахха сөп.
Дойду национальнай MAX мессенджеригэр Саха Өрөспүүбүлүкэтин Ил Дарханын уонна Бырабыытылыстыбатын ханааллара эмиэ үлэлииллэр:
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…