Мэҥэ Таас туруорулунна

Эһиил Улуу Кыайыы 80 сыллаах өрөгөйдөөх үбүлүөйэ буолаары турар. 

Кэбээйи улууһун Сииттэ нэһилиэгин көхтөөх дьоно-сэргэтэ эмиэ биир үтүөкэн бачыымы көтөхтүлэр.

“Улуу Кыайыы умнуллубат кэрэ-бэлиэ даататын көрсө Сииттэ нэһилиэгин олохтоохторо эйэлээх олоҕу түстээбит биир дойдулаахтарбытыгар махтанан туран, кинилэр сэриигэ аттаммыт сирдэригэр Мэҥэ Тааһы туруордубут”, — диэн кэпсээтэ А.В. Аргунов аатынан Норуот айымньытын, култууратын  дьиэтин дириэктэрэ Марианна Сивцева.