«Муравьев-Амурскай 2030» бырагыраама выпускниктара Уһук Илин сайдыытын туһунан Юрий Трутневы кытары санааларын үллэһиннилэр

«Муравьев-Амурскай 2030» бырагыраама уустук геополитическай быһыы-майгы кэмигэр саҥа көлүөнэ судаарыстыбаннай сулууспалаахтары – Арассыыйа туруктаах экэнэмиичэскэй үүнүүтүн хааччыйар дьону бэлэмниир.

РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ – РФ Бырабыыталыстыбатын бэрэссэдээтэлин солбуйааччы Юрий Трутневка выпускниктар ханнык бырайыактары билиһиннэрдилэр?
Арассыыйаҕа Уһук Илин минтай балыгын туһаныыны үрдэтии моделын; Саха сиригэр туризмы сайыннарыы бырайыагын; Уһук Илиҥҥэ тутуу салаатын салайыыга мэхэньииһими ырытыыны; нэһилиэнньэ мөлтөх араҥатыгар эбии инструменнары оҥоруу туһунан кэпсээтилэр.

Быйыл куонкуруска кыттыан баҕалаахтар элбэхтэр – 80 миэстэҕэ, дойду 89 эрэгийиэниттэн сайаапка кэлбит. Билигин сүүмэрдиир тургутуу барар.

«Үөрэх уонна иитии дойду инники кэскилин быһаарар, — диэн этэр Юрий Трутнев. – Биһиэхэ ити ордук улахан суолталаах, тоҕо диэтэххэ Арассыыйа бүтүн аан дойдутааҕы сааҥсыйалар кэмнэригэр күн аайы күүһүрэн иһэр. Итиэннэ, биллэн турар, биһиги экэниэмикэ уонна наука кыаҕын улаатыннарар кыахтаах дьону бэлэмниэхтээхпит. Манна үөрэх ураты суолталаах».