сахагов
Саха Өрөспүүбүлүкэтигэр муус устар 1 күнүттэн мууһунан туорааһыннары түһүмэхтэринэн аччатыахтара. Бу туһунан СӨ тырааныспарын уонна суолун хаһаайыстыбатын министиэристибэтэ иһитиннэрэр.
“Бүлүү” суолга управлениетын көрүүтүгэр баар “Бүлүү” уонна “Халыма” федеральнай суолларга муус устар 1 күнүттэн муҥутуур көҥүллэнэр ноҕорууска 30 туоннаҕа диэри аччатыллыаҕа, муус устар 8 күнүттэн – 20 т. диэри. Муус устар 15 күнүгэр мууһунан туорааһыннары сабарга былаанныылар. Өлүөнэни туоруур “Дьокуускай-Аллараа Бэстээх”, Бүлүү өрүһү, ону тэҥэ Алдан өрүһү туорааһыннар туһунан этиллэр.
Эрэгийиэннээҕи уонна муниципалитеттар икки ардыларынааҕы суолталаах массыына суолларыгар көҥүллэнэр ноҕорууска муус устар 10 күнүттэн 20 туоннаҕа диэри аччатыллыаҕа. Бу суолларга сырыыны сабыы муус устар 15 күнүттэн торумнанар.
Күн-дьыл туругуттан сылтаан “Алдан” суолугар болдьоҕун иннинэ куттал суох буолуутун миэрэлэрин киллэрдилэр. Кулун тутар 19 күнүттэн “Дьабарыкы Хайа – Охотскай перевоз” учаастагар 20 туоннаҕа диэри таһаҕас уйуга аччатылынна.
“Хатас-Павловскай” хайысхатынан Өлөүнэни туоруур эрэгийиэннээҕи туорааһыҥҥа 40 туоннаҕа диэри. “Кангаласс – Суотту” туһаайыытыгар 30 туоннаҕа диэри уйуктаах массыына сылдьара көҥүллээх. Бу туорааһыннар сабыллыахтарыгар диэри туоннаны аччатыы былааннаммат.
Муус устар 1 күнүттэн муус туругун күн аайы кэтээн көрүөхтэрэ.
“Дороги Арктики” көрөр-истэр Хоту уона Арктика оройуоннарын кыһыҥҥы суолларынан сырыыга түһүмэҕинэн аччатыыны муус устар 5 күнүттэн саҕалыахтара.
Онон, өрөспүүбүлүкэ сиригэр-уотугар муус устар 1 күнүттэн мууһунан туорааһыннары түһүмэҕинэн аччатыы саҕаланыаҕа. Муус устар 15 күнүттэн киин оройуоннарга сырыы сабыллар, тырааныспар бары көрүҥүнэн сылдьыы бобуллар. Муус устар 20-24 күннэригэр хоту уонна Арктика оройуоннарыгар туорааһыннар тохтууллар.
Дьокуускайдааҕы күнү-дьылы кэтиир сулууспа чахчытынан, кулун тутар ыйга халлаан лаппа (аномальнай) сылыйда. Бу муус ириитин түргэтэтэр. Мууһунан сырыыны тохтотуу гидрометеорология чахчыларыгар олоҕуруоҕа.
Онон Саха сирин тырааныспарка министиэристибэтэ бары таһаҕаһы тиэйээччилэри кэмигэр, хойутаабакка дьаһанаргытыгар сүбэлиир.
sakha.gov.ru
Сиһилии: https://www.sakha.gov.ru/news/40911
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…