Муус устар 30 күнүттэн ыам ыйын 2 күнүгэр магнитнай буурҕа күүһүрэр

ИКИ уонна ИСЗФ Күн астрономиятын лабораториятын исписэлиистэрин иһитиннэриилэринэн, бүгүн, муус устар 30 күнүгэр, геомагнитнай балаһыанньа эмискэ мөлтүүрэ күүтүллэр. Сир магнитосферата күүрүүлээх турукка киириэҕэ, оттон хамсааһын күүһэ 5–6 баалга тиийиэн сөп.

Ол курдук, кэнники күннэргэ Күҥҥэ хамсааһыннар үрдээбиттэринэн, исписэлиистэр күн-дьыл туруга уларыйыан сөбүн сэрэтэллэр.

Магнитнай буурҕа киһиэхэ хайдах дьайарый?

Магнитнай буурҕалар киһи доруобуйатыгар уонна туругар биллэрдик дьайыахтарын сөп: сорох дьон маннык күннэргэ түргэнник сылайаллар, төбөлөрө ыалдьар, уйулҕалара эмискэ уларыйар эбэтэр утуйбат буолаллар. Бу барыта Сир магнитнай хонуутун уларыйыыта киһи ньиэрбэтин уонна сүрэх-тымыр системаларын үлэтигэр дьайарыттан тутулуктаах.

Хайдах харыстанабыт?

Ыарыыны чэпчэтэр туһуттан эрдэттэн бэлэмнэнэр уонна судургу быраабылалары тутуһар наада:

• Күннээҕи эрэсиим. Биир кэмҥэ утуйарга уонна турарга кыһаллыҥ, 7–8 чаастан итэҕэһэ суох утуйуҥ. Толору сынньалаҥ киһи этигэр-хааныгар истириэһи, ол иһигэр геомагнитнай хамсааһыннары тулуйарга көмөлөһөр.
• Уута иһиҥ. Уугутун хаммат түгэҥҥитигэр киһи туруга өссө мөлтүөн сөп. Онон ыраас уута иһэргитин умнумаҥ.
• Аһылыккытын көрүнүҥ. Ыарахан, сыалаах аһылыктан аккаастаның, ону тэҥэ кофе, күүстээх чэй уонна арыгы иһэргитин хааччахтааҥ.
• Хроническай ыарыылар. Өскөтүн сүрэххит, хаан баттааһына түһэр-тахсар эбэтэр ньиэрбэҕит ыалдьар буоллаҕына, магнитнай буурҕалар кэмнэригэр тугу гынаргытын бырааскытын кытта эрдэттэн сүбэлэһиҥ.