СахаГов.ру
Саха сиринээҕи Муусука үрдүкү оскуолатын саҥа комплексын сыл бүтүөр диэри үлэҕэ киллэриэхтэрэ. Саҥа үөрэх куорпуһун уонна интэринээти тутуу хаамыытын туһунан Ил Дархан Айсен Николаев оскуола ректора Надежда Зайковалыын көрүстэ.
Бу комплекс аһыллыыта Арассыыйа норуоттарын сомоҕолоһууларын сылын уонна Саха сиригэр Култуура сылын биир сүрүн тэрээһинэ буолуоҕа.
Надежда Зайкова кэпсээбитинэн, таһырдьа ыытыллар үлэлэр барыта түмүктэммиттэр. Тиэргэни тупсарыы, аспаал уонна тротуар билиитэтин ууруу, оҕолорго анаммыт спортивнай уонна оонньуур былаһааккалары тэрийии бүппүт.
«Үлэ барыта кыраапыгынан бара турар. Дьиэҕэ сылааһы балаҕан ыйыгар биэрбиттэрэ. Билигин иһинээҕи өрөмүөн, ситэрэн-хоторон оҥоруу үлэлэрэ ыытыллаллар», — диэн ректор иһитиннэрдэ.
Айсен Николаев Муусука үрдүкү оскуолатын саҥа комплексын тутуута болдьоммут кэмигэр хайаан да түмүктэниэхтээҕин бэлиэтээтэ. Ону тэҥэ салайааччылар саҥа дьиэлэри көрүүгэ-истиигэ үбүлээһин, кэнсиэртэргэ аналлаах рояль атыылаһыытын уонна туруоруутун боппуруостарын дьүүллэстилэр.
Саҥа үс этээстээх комплекс уопсай иэнэ 9,5 тыһыынча квадратнай миэтэрэҕэ тэҥнэһэр. Манна 240 үөрэнээччигэ аналлаах үөрэх куорпуһа уонна 150 миэстэлээх интэринээт баар буолуохтара. Үөрэх кылаастарын таһынан, улахан кэнсиэртиир саала, бибилэтиэкэ, устуудьуйа, фонотека кэбиниэттэрэ, ону тэҥэ спортивнай саала үлэлиэхтэрэ. Бу бырайыак олоххо киириитэ өрөспүүбүлүкэ бары муннуктарыттан кэлбит айылҕаттан айдарыылаах, талааннаах оҕолор үөрэнэллэригэр уонна идэлэрин баһылыылларыгар аныгы, бастыҥ усулуобуйаны тэрийиэҕэ.
Санатан эттэххэ, Арассыыйа Бэрэсидьиэнэ Владимир Путин 2024-2026 сылларга Саха сиринээҕи Муусука үрдүкү оскуолатын саҥа куорпуһун тутуутун түмүктүүргэ, үлэҕэ киллэрэргэ уонна муусука үнүстүрүмүөннэрин атыылаһарга федеральнай бүддьүөттэн сыл аайы наадалаах үбү-харчыны көрөргө сорудахтаабыта. Бу тутуу Дьокуускай куорат агломерациятын социальнай-экэнэмиичэскэй сайдыытын уһун болдьохтоох былааныгар киллэриллибитэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…