Намҥа «Аммосов куубага» XXVII өрөспүүбүлүкэтээҕи волейбол турнира түмүктэннэ

Муус устар 21 күнүгэр Нам улууһун Хатырык нэһилиэгэр уһулуччулаах судаарыстыбаннай уонна бэлитиичэскэй диэйэтэл Максим Кирович Аммосов бирииһигэр «Аммосов куубага» XXVII өрөспүүбүлүкэтээҕи волейбол турнирын үөрүүлээх сабыллыыта буолан ааста.

Икки күн устата Нам (Хатырык-1, Хатырык-2, Түбэ, Ленскэй нэһилиэктэр хамаандалара), Ньурба, Таатта, Чурапчы, Уус Алдан улуустарын, Хаҥалас Улахан Аанын, Кэбээйи Сииттэтин, Дьокуускай “Дьулуур”, киин куорат “Сатал” түөлбэтин, ХИФУ устудьуоннарын, үлэһиттэрин, АГАТУ, “Азия оҕолоро” аан дойдутааҕы оонньуу Саха сиринээҕи сүүмэрдэммит, РСШОР хамаандалара күрэхтэстилэр.

Күрэх 3 сиринэн – Хатырык, Модут, Маймаҕа нэһилиэктэринэн олус тыҥааһыннаахтык, интэриэһинэйдик ааста. Бары хамаандалар туох баар кыахтарын, сатабылларын биэрэн, кыайыыга дьулуурдарын көрдөрөн, чаҕылхай оонньууларынан көрөөччүлэри астыннардылар.

Турниры түмүктүүр тэрээһин саҥа аһыллыбыт элбэх хайысхалаах киин успуорт саалатыгар ыытылынна. Бу күн «За заслуги в развитии спорта в Намском улусе» бэлиэнэн Хатырыктан урбаанньыт Айсен Парников, успуорт бэтэрээнэ, урбаанньыт Гаврил Иванов наҕараадаланнылар.

Наҕараадалааһын 2 лиганан ыытылынна.

Бастакы лигаҕа уопсай хамаанданан түмүк:

1-кы м. – Нам, 2-с м. – М.К. Аммосов аатынан ХИФУ, 3-с м. – “Азия оҕолоро” аан дойдутааҕы оонньуу Саха сиринээҕи сүүмэрдэммит хамаандата.
Иккис лигаҕа уопсай хамаанданан түмүк:
1-кы м. – М.К. Аммосов аатынан ХИФУ, 2-с м. – Түбэ, 3-с м. — АГАТУ.

ЭР ДЬОҤҤО

Бастакы лигаҕа эр дьон күрэхтэрин түмүгэ:

1-кы м. – Дьокуускай, 2-с м. – М.К. Аммосов аатынан ХИФУ, 3-с м. – Таатта.
Иккис лигаҕа эр дьон күрэхтэрин түмүгэ:
1-кы м. – Кэбээйи улууһун Сииттэ, 2-с м. – Хатырык -1, 3-с м. – АГАТУ.

ДЬАХТАЛЛАРГА

Бастакы лигаҕа дьахталлар күрэхтэрин түмүгэ:

1-кы м. – Нам, 2-с м. – Ньурба, 3-с м. – “Азия оҕолоро” аан дойдутааҕы оонньуу Саха сиринээҕи сүүмэрдэммит хамаандата.
Иккис лигаҕа дьахталлар күрэхтэрин түмүгэ:
1-кы м. – М.К. Аммосов аатынан ХИФУ үлэһиттэрэ, 2-с м. – “Дьулуур”, 3-с м. – Түбэ.
Маны сэргэ чаҕылхай оонньуулары көрдөрбүт, үрдүк ситиһиилэммит спортсменнарга анал ааттар иҥэрилиннилэр.
Быйылгы волейбол турнирын бирииһин пуондатын суумата хайа да сыллардааҕар улахана бэлиэтэннэ диэн Нам улууһун дьаһалтатын пресс-сулууспата иһитиннэрэр.