Нэдиэлэ бастакы күннэригэр сэттэ суол быһылаана бэлиэтэннэ

Бу нэдиэлэ бастакы күннэриттэн, олунньу 12-15 күннэригэр,  Саха сиригэр 7 суол быһылаана бэлиэтэннэ. 1 киһи суорума суолламмыт, 7 киһи, ол иһигэр сааһын ситэ илик 2 оҕо араас эчэйиини ылбыт.

Саха сиринээҕи ГИБДД иһитиннэриитинэн, барыта 1681 суол быраабылатын кэһии регистрацияламмыт: 15 киһи итирик туруктаах сылдьан тутулунна, 1 суоппар итирик туруктаах сылдьан хаттаан тутулунна, 50 киһи массыына ыытар бырааба суох сылдьан быраабыланы кэһиини таһаарда, 9 суоппар массыына ыытар бырааба суох сылдьан тутулунна, 399 киһи курун бааммакка сылдьан ыстарааптанна, 30 суоппар суолга утары тахсан суол быраабылатын кэспит.

Саха сиринээҕи ГИБДД суол быраабылатын халбаҥнаабакка тутуһарга, суолга болҕомтолоох буоларга, бэйэҕитин уонна чугас дьоҥҥутун харыстыырга ыҥырар.