Хаартыска: https://www.magnific.com
Красноярскай кыраайтан циклон кэлэринэн, бу нэдиэлэҕэ Саха сирин хас да оройуонугар хаардаах уонна былыттаах күн-дьыл буолара күүтүллэр.
Салгын температурата нуорматтан үрдүк буолара сабаҕаланар, өрөспүүбүлүкэ соҕуруулуу-арҕаа өттүгэр +6 кыраадыска диэри сылыйыаҕа. Нэдиэлэтээҕи күн-дьыл туругун туһунан ЯСИА-ҕа Саха сиринээҕи УГМС метеорологическай уонна агрометеорологическай сабаҕалааһыннарын салаатын салайааччыта Саргылана Никитина кэпсээтэ.
«Дьокуускайга хаар биирдэ күнүһүн, биирдэ түүнүн түһүөҕэ. Температура син биир нуорматтан үрдүк буолуоҕа: түүнүн -7…-11 кыраадыс, оттон күнүһүн -1…-3 кыраадыс тымныы. Чугастааҕы сууккаҕа Красноярскай кыраайтан Саха сирин арҕаа өттүгэр циклоннар кэлэллэринэн, эрэгийиэн үгүс оройуоннарыгар былыттаах уонна хаардаах күн-дьыл буолара күүтүллэр, оттон арҕаа улуустарга инчэҕэй хаар түһүөҕэ. Түүнүн үксүн -5…-10 кыраадыс буолуоҕа, соҕуруулуу-арҕаа өттүгэр 0…-5 кыраадыс. Соҕуруулуу-арҕаа улуустарга салгын +1…+6 кыраадыска диэри сылыйарын күүтэбит», — диэн кэпсээтэ Саргылана Никитина.
Синоптиктар сабаҕалыылларынан, Дьокуускайга бу нэдиэлэҕэ хаар хойуутук түһүөҕэ. Өрөбүл күннэргэ Арктикаттан салгын маассата кэлиитинэн, Саха сирин хоту, хотугулуу-арҕаа, арҕаа уонна киин оройуоннарыгар биллэрдик тымныйыа.
«Өрөбүллэргэ, алтынньы 24-25 күннэригэр, арҕааҥҥы циклон тымныы фроннара ааһалларынан, хас да оройуоҥҥа салгын температурата лаппа түһэрин күүтэбит. Баскыһыанньаҕа Дьокуускайга сөҥүүтэ суох буолуоҕа, күнүһүн температура -3…-6 кыраадыска диэри түһүөҕэ. Оттон бэнидиэнньиккэ -10…-15 кыраадыска диэри тымныйыаҕа», — диэн эбэн эттэ Саргылана Никитина.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…