«Оймякон – полюс холода, Oymyakon – pole of cold» — улуустааҕы дьаһалта табаарынай бэлиэтэ

Өймөкөөн улууһун  баһылыга Иннокентий Сивцев РФ Интеллектуальнай бас билии салайааччыта (Роспатент) Юрий Зубков аатыгар «Оймякон – полюс холода, Oymyakon – pole of cold» бренд бэлиэни регистрациялыырга көрдөһөн сурук ыыппыт.

Бу сурукка Өймөкөөн улууһун устуоруйатыттан саҕалаан, бүгүҥҥү олоҕо кэпсэммитэ. Сүрүн болҕомто улууска туризм сайдыытыгар, чысхаан тымныытыгар ууруллубута. Тыйыс килиимэттээх Өймөкөөн оройуонугар кыһыҥҥы кэмҥэ омук туристара хото кэлэр буолан, Өймөкөөн улууһа Тымныы полюһун быһыытынан Саха сирин брендинэн буолбутун туһунан бу сурукка этиллэр.
Бу күннэргэ улуус салалтатын аатыгар суолталаах докумуон тиийэн кэллэ — «Оймякон – полюс холода, Oymyakon – pole of cold» 900912 №-дээх регистрацияны бигэргэтэр сибидиэтэлистибэ Өймөкөөн улууһу муниципалитетын бас билиитэ буолла. Ол эбэтэр мантан инньэ улуус дьаһалтатын көҥүлэ суох  «Оймякон – полюс холода, Oymyakon – pole of cold»  сурук мээнэ туттуллубат буолар.