Хаартыска: Инна Яковлева тиксэриитэ.
Бу күннэргэ Өймөкөөн улууһун баһылыга Александр Оконешников эппиэттээх салайааччылары кытта улуус нэһилиэктэринэн сылдьан, оттооһуҥҥа бэлэмнэнии хаамыытын билистэ.
Тыа хаһаайыстыбатын управлениетын салайааччыта Инна Яковлева иһитиннэрбитинэн, оттооһун кэмэ саҕалана илик, өссө да ый аҥаарын кэриҥэ бириэмэ баар. Былырыын ходуһалар айылҕа иэдээниттэн ууга баран, оттооһун хаамыыта уустуктардаах ааспыта. Онон быйыл улуус баһылыга Александр Оконешников көҕүлээһининэн, от үүнүүтүн уонна ходуһалар туруктарын эрдэттэн билсэр үлэ ыытылынна.
— Быйыл улууска оттооһун былаана — 3200 туонна, ол иһигэр: Томтор — 1007 тн; Өймөкөөн — 980 тн; Сордоҥноох — 550 тн; Үчүгэй — 340 тн; Төрүт — 280 тн; Уус-Ньара — 43 тн. Нэһилиэктэр баһылыктарын уонна исписэлиистэрин кытта көрсүһүүлэргэ санааларын иһиттибит, сүбэлэстибит. Холобур, Томторго Чубукулаах учаастагын ходуһатын ыраастааһын МИЗО (Министерство имущественных и земельных отношений) аукционун нөҥүө барыахтаах.
Оттон Өймөкөөн сэлиэнньэтигэр үп көрдөөн, уунан туолан турар ходуһаларга хоруу хаһыахха сөбүн-суоҕун тула сүбэ мунньаҕы ыыттыбыт.
Ханна барытыгар үп-харчы кырыымчык. Онон улуус баһылыга Александр Оконешников кыттыылаах нэһилиэктэр салайааччыларын мунньахтарыгар кимтэн да тугу да кэтэспэккэ, бэйэ күүһүнэн табыллыан сөптөөх хайысхаларга үлэлэһэри дьүүллэстибит. Каартаны көрө олорон, ханнык оттуур сирдэргэ хорууну ыытыахха, салгыы туох үлэлэр барыахтарын сөбүн ырыттыбыт.
Чопчу «бу манна бачча хорууну хаһыахха наада» диэн быһаарыы ылыллыбата эрээри, быһа холуйан үөрэтии, ырытыы, былааннаһын ыытылынна. Уу барбат түгэнигэр, өрүттэр хорууну ханан хаһыахха сөбүн кытта дьүүллэһиилэрэ буолла, — диэн иһитиннэрдэ улуустааҕы тыа хаһаайыстыбатын управлениетын салайааччыта Инна Яковлева.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…