Хаартыскаҕа Анна Константинова, Изабелла Жараева түһэриилэрэ
Таатта улууһугар Боробул бөһүөлэгэ сыллата тупсан, киэркэйэн иһэр. Манна бөһүөлэги өрө тардыыга, дьон-сэргэ мустан сынньанар сирин тупсарыыга олохтоохтор көхтөөхтүк кытталлар.
Сайын кэлбитинэн, ыһыахтар чугаһаабыттарынан нэһилиэк киинигэр турар пааркаҕа субуотунньук буолбут. Бу туһунан А.И.Софронов-Алампа аатынан норуот айымньытын дьиэтин методиһа Изабелла Жараева сырдатта.
—Сыл аайы баччаларга нэһилиэкпитигэр дьон-сэргэ сынньанар, сылдьар, оҕо-уруу мустан оонньуур сирин — пааркабытын хомуйар, кырааскалыыр, тупсарар, киэргэтэр үтүө үгэстээхпит. Онно дьон-сэргэ куруук көхтөөх кыттыыны ылара үөрдэр. Быйылгы да субуотунньук өрө көтөҕүллүүлээхтик барда. Кырааскабытын, туттар тэриллэри олохтоох дьаһалтабыт ылан биэрдэ. Онон Алампа аатынан норуот айымньытын дьиэтэ тэрийбит үлэтигэр пааркаҕа дьон-сэргэ кэнсиэри, күрэхтэһиини көрөөрү мустан олорор сирин, «Куорсун суһума» балаҕаммытын кырааскалаатыбыт.
Маныаха субуотунньуктарбытыгар, онтон да атын тэрээһиннэргэ куруук кыттар чугас дьоммут Акулина Александровна Татаринова, Акулина Иннокентьевна Макарова кэлэн көмөлөстүлэр, көх-нэм буоллулар. Кинилэргэ биһиги барҕа махталбытын тиэртибит.
Маны сэргэ, нэһилиэкпит баһылыга Валентин Андреевич Охотин салалталаах хамаанда паарканы ыраастааһыҥҥа көхтөөхтүк кытынна, кинилэр бөҕү-саҕы тиэйдилэр. Валентин Андреевич субуотунньукка кыттыбыт дьоҥҥо-сэргэҕэ истиҥник махтанна. Итиэннэ Өкүлүүнэлэрбитигэр иккиэннэригэр махтанан туран, дьоҥҥо-сэргэҕэ, эдэр ыччакка үтүө холобур буолалларын бэлиэтээтэ.
Пааркабытыгар үлэ өссө да салҕанар. Нэдиэлэ саҥатыгар өссө тугу үлэлиэхтээхпитин сүбэлэстибит. Нэһилиэкпит тупсара, пааркабыт киэркэйэрэ — барыбыт үөрүүбүт!
Изабелла Жараева
Хаартыскаларга Анна Константинова, Изабелла Жараева түһэриилэрэ
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…