Питбайк — оҕо оонньуура буолбатах

Улаатан эрэр оҕолор саҥа кутталлаах оонньуулара — питбайк. Оҕолор бу кыра мотоциклынан уһаайбаларынан уонна уулуссаларынан сүүрдэллэр, сотору-сотору саахалга түбэһэллэр. Ол эрэн, куорат уулуссаларыгар питбайкынан тахсыы булгуччу бобуллар.

Питбайк анал трассаларга уонна сабыылаах былаһааккаларга эрэ сүүрдэргэ аналлаах, уопсай суолга сылдьар көҥүллэммэт. Мини-мотоциклы анал трассаларга тиэрдэр туһуттан анал прицебынан эрэ таһыахха сөп.

Питбайка:
— поворотник, фара, стоп-сигнал суох;
— мотошиналара дэхси суолга эрэ аналлаах;
— ПТС (транспортнай сириэстибэ пааспара) суох;
— судаарыстыбаннай нүөмэрэ суох;
— ГАИ-га регистрациялатаммат.

Питбайкынан мотодромҥа уонна сабыылаах былаһааккаларга сүүрдэргэ суоппар бырааба наадата суох. Ол эрэн, өскөтүн суолга таҕыстаххытына, бу суол быраабылатын кэһии буолар.

ГАИ иниспиэктэрэ суоппары питбайкы ыытаары тохтотуон сөп, оттон тиэхиньикэни штрафстоянкаҕа илдьиэхтэрэ. Салгыы барыта кэһээччи сааһыттан тутулуктаах:

— 16 сааһын туолбут оҕо уонна бырааба суох буоллаҕына — 5–15 тыһыынча солкуобай ыстараап;

— 16 сааһын туола илик оҕо — төрөппүттэрэ ыстарааптаналлар;

— тырааныспары бас билээччи төрөппүттэр — 30 тыһыынча солкуобай ыстараабы төлүөхтээхтэр (КоАП РФ 12.7 ыстатыйатын 3-с чааһа).

Өскөтүн эһиги суолга питбайктаах оҕону көрдөххүтүнэ, ГАИ-га эрийиҥ. Үлэһиттэр бэрэбиэркэлиэхтээхтэр.