Хаартыска: видеоттан скриншот.
Дьүкээгир тылын учуутала РФ Бэрэсидьиэнэ Владимир Путиҥҥа биэс хотугу норуот оҕолоро үөрэнэр Саха Өрөспүүбүлүкэтин экспериментальнай интэринээт-оскуолатын туһунан кэпсээтэ. Бу туһунан РИА Новости суруйар.
Дойду Аҕа баһылыга чэппиэргэ “Знание. Первые” сырдатар марафон былаһааккатыгар Арассыыйа төрүт аҕыйах ахсааннаах норуоттарын бэрэстэбиитэллэрин кытта көрүстэ.
Көрсүһүү кэмигэр дьүкээгир норуотун бэрэстэбиитэлэ Анна Татаева Бэрэсидьиэҥҥэ биэс хотугу норуот оҕолоро үөрэнэр оскуолатыгар дьүкээгир тылын үөрэтэрин эттэ.
“Мин омукпунан дьүкээгирбин, “Арктика” экспериментальнай интэринээт-оскуолаҕа дьүкээгир тылын учууталынан үлэлиибин. Бу ураты оскуолаҕа биэс хотугу норуот оҕолоро олороллор, үөрэнэллэр. Бу — эбээннэр, эбэҥкилэр, долганнар, чукчалар уонна дьүкээгирдэр. Манна Саха сирин таһынан Арктика уонна Уһук Илин атын эрэгийиннэрин оҕолоро эмиэ үөрэнэллэр” – диэн Татаева кэпсээтэ.
“Хас үөрэнээччилээххит?” – диэн Путин ыйытта.
Дьүкээгир норуотун бэрэстэбиитэлэ оскуолаҕа киниэхэ тоҕус оҕо үөрэнэрин эттэ.
“Бүтэһик биэрэпиһинэн, дьүкээгир ахсаана 1813 киһи” – диэн Татаева эбэн эттэ.
Кини дьүкээгир тылын үөрэҕин босуобуйатын хос ааптарынан буоларын, ол эрээри, бу үөрэх кинигэлэрин таһаарарга хас даҕаны сыл ирдэммитин эттэ. Татаева Бэрэсидьиэнтэн үөрэх кинигэлэригэр уонна мэтэдиичэскэй босуобуйаларга грант көрүөххэ сөп дуо диэн ыйыппытын, Путин үөрэх кинигэлэрин булгуччу өйүөҕүн туһунан эрэннэрдэ. Бу туһунан РИА Новости суруйар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…