Хаартыска: "Чолбон" спортивнай оскуола
Дьокуускайга Бүтүн Арассыыйатааҕы Бойобуой ускуустубалар федерацияларын дириэктэрэ, Арассыыйа элбэх истииллээх карате федерациятын бэрэсидьиэнэ Рамиль Габбасов кэлэн, Өрөспүүбүлүкэтээҕи хомуур хамаандалар спортивнай бэлэмнэниилэрин киинин уонна Бокска олимпийскай эрэллэр спортивнай оскуолаларын кэлэктииптэрин кытта көрүстэ.
Рамиль Габбасов Бүтүн Арассыыйатааҕы Бойобуой ускуустубалар федерацияларын үлэтин-хамнаһын, тэрээһиннэрин туһунан кэпсээтэ. Бойобуой ускуустубалар нөҥүө култуура эмиэ тарҕанар диэн кини эттэ.
— Туох барыта кыраттан саҕаланар. Бойобуой ускуустуба киһини дьулуурдаах, тулуурдаах, үлэһит буоларга, дириҥник ырытан көрөргө үөрэтэр. Биһиги күүстээх санаалаах, кытаанах доруобуйалаах, сыалын-соругун ситиһэр, дьулуурдаах, патриот киһини иитэн таһаарыахтаахпыт. Бу барыта кыра саалаттан, уһуйаантан, оскуолаттан, дьиэ кэргэнтэн саҕаланар. Хас биирдии түһүмэҕэ суолталаах. Эһиги күннээҕи үлэҕит түмүгэ көстүбэт курдук да буоллар, улахан суолталаах үлэни оҥоро сылдьаҕыт, — диэн Рамиль Габбасов эттэ.
Бу көрсүһүүгэ «Чолбон»спортивнай оскуола дириэктэрин солбуйааччы Юрий Баишев, Өрөспүүбүлүкэтээҕи хомуур хамаандалар спортивнай бэлэмнэниилэрин киинин дириэктэрэ Михаил Пахомов уонна Бокска олимпийскай эрэллэр спортивнай оскуолаларын дириэктэрэ Максим Куприянов кытыннылар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…