Саамай үрдүк биэнсийэ — алта эрэгийиэҥҥэ 40 тыһ.солк. тахсаны ылаллар

Арассыыйа алта эрэгийиэнигэр үлэлээбэт кырдьаҕастар биэнсийэлэрин орто кээмэйэ 40 тыһыынча солкуобайтан тахсар. Социальнай пуонда дааннайдарыгар тирэҕирэн, бу туһунан ТАСС иһитиннэрдэ.

Саамай үрдүк биэнсийэни Чукотка автономиялаах уокуругун олохтоохторо ылаллар эбит. Манна кырдьаҕастарга ыйга ортотунан 49 966,12 солкуобай төлөнөр. Оттон 40 тыһыынчаттан тахса харчыны ылар бастыҥ эрэгийиэннэр испииһэктэрэ маннык:

• Чукотка автономиялаах уокуруга — 49 966,12 солкуобай;
• Ненецкэй автономиялаах уокурук — 44 280 солкуобай;
• Магадан уобалаһа — 42 911,92 солкуобай;
• Камчатка кыраайа — 42 698,76 солкуобай;
• Ямал-Ненецкэй автономиялаах уокурук — 41 255,36 солкуобай;
• Ханты-Мансийскай автономиялаах уокурук (Югра) — 40 932,67 солкуобай.

Арассыыйа үрдүнэн биэнсийэ орто кээмэйэ төһөнүй?

Социальнай пуонда иһитиннэрэринэн, бу дьыл от ыйын 1 күнүнээҕи туругунан, Арассыыйа үрдүнэн үлэлээбэт биэнсийэлээхтэр ылар биэнсийэлэрин орто кээмэйэ 27 850,17 солкуобайга тэҥнэһэр. Бу көрдөрүү бастыҥ алта эрэгийиэнтэн биллэрдик кыра.

Балаҕан ыйыгар ким биэнсийэтэ үрдүүрүй?

Санатан эттэххэ, балаҕан ыйыттансорох категориялаах гражданнарга биэнсийэлэрэ эбиллиэҕэ. Ол курдук, бастакытын I группалаах инбэлиит статуһун ылбыттарга, попечителлэргэ уонна «хотугу ыстаастаах» дьоҥҥо эбии төлөбүрдэр оҥоһуллуохтара.